Башкортстанда кече һәм урта эшкуарлык субъектлары саны үсә

Чара республика Хөкүмәте Премьер-министры Андрей Назаров рәислегендә узды.Андрей Назаров, чараны ачып, республикада кече һәм урта эшкуарлык субъектлары саны тотрыклы үсә, дип билгеләп үтте. Бүген алар 133 меңгә якын. Быел мондый бизнес-берәмлекләр саны - 4 процентка, ә үзмәшгульләр саны 15 процентка арткан. Безнең эшкуарлар быелның 4 аенда төбәк бюджетына 7 млрд сумга якын акча китергән, бу узган елгы нәтиҗәләрдән 25 процентка артык. Болар барысы да бергә эшләүнең һәм хакимият белән бизнесның тыгыз хезмәттәшлегенең уңай нәтиҗәләренең берсе булып тора.- Республикада Хөкүмәт дәрәҗәсендә кече һәм урта эшкуарлыкка ярдәм итү чаралары комплексы гамәлгә ашырыла. Агымдагы елда бу максатларга 1 млрд сумнан артык акча каралган. Эшкуарлар һәм үзмәшгульләр үсешен стимуллаштыру өчен профильле төбәк институтлары эшли. Быел алар 192 кече һәм урта бизнес вәкилләренә, шулай ук үзмәшгульләргә ярдәм күрсәтте. Финанс ярдәменең гомум күләме 648 млн сумнан артып китте, - дип аңлатты Премьер-министр.Ул шулай ук хакимият органнарының җәмгыять һәм бизнес белән нәтиҗәле хезмәттәшлек итүнең теләсә нинди кораллары һәр җирдә дә хупланырга тиешлеген һәм хакимиятнең Хөкүмәтнеке булмаган оешмалар белән конструктив хезмәттәшлек итү кирәклеген ассызыклады, алар еш кына бизнес һәм дәүләт арасында иң мөһим арадашчы булалар. Республикада, бөтен илдәге кебек үк, мондый оешмаларның саны арту ягыннан уңай динамика күзәтелә. Узган ел нәтиҗәләре буенча алар 5684 иде, бу, 2021 ел белән чагыштырганда, 4,5 процентка күбрәк.Бу хакта тулырак: https://pravitelstvorb.ru/news/21027/