Проблема, ниһаять, хәл ителгән

Бер атнада ЦУРның мәгълүмат системалары юллар темасына 867 мөрәҗәгать теркәгән: бу бер атна элек булганыннан 319га күбрәк. Нигездә, халыкны юлларны ремонтлау, шул исәптән чокырларны ямау, тротуарларны карап-тоту мәсьәләсе борчый. Иң күп мөрәҗәгатьләр Уфадан (270), Әлшәй районыннан (42) һәм Стәрлетамактан (31) килгән.Икенче урында – төзеклән­дерү темасы. Республика халкы юллардагы тузанга, парк­ларны һәм скверларны төзек­ләндерү, йорт яны тер­рито­рияләрен җыештыру тиеш­лечә башкарылмауга зарлана. Шулай ук, шәһәрләр­дә күбрәк агачлар утыртуны һәм инде утыртылганнарына су сибүне сорыйлар. Өченче урында – торак-коммуналь хуҗалык мәсьәлә­лә­ре, алар узган атнадагыга караганда 115кә күбрәк. Җылы көннәр килү белән торак пунктларда су куллану арта, аның начар басымына, яки су бөтенләй булмауга зар­ланучылар күп. Халык җы­лылык һәм коммуналь хез­мәтләр өчен түләү буенча да сораулар бирә. Гомумән алганда, узган атнада республикада яшәүчеләрдән төрле темаларга 3801 мөрә­җәгать алынган, бу аннан алдагы атнадагыдан 847гә күбрәк. Кушнаренко авылы халкы район хакимиятенә авыл эчендә автобус маршрутлары эшләтеп җибәрү үтенече белән берничә тапкыр мөрә­җә­гать итә. Һәм бу хакта социаль челтәрләрдә язалар. Мөрәҗәгатьләрнең берсен 2022 елның ноябрендә үк “Инцидент-менеджмент” системасы тоткан һәм ул Кушнаренко районына эшкә тапшырылган. Март ахырына район хакимияте Кушнаренко авылы эчендә маршрутлар схемасын эшләгән, белгечләр контракт­ның бәясен исәпләгән һәм документларны авыл Советына тапшырган. Апрельдә ул йөртүче оешманы билгеләү өчен конкурс игълан иткән. Һәм менә озак һәм тырыш эш нәтиҗәсе: 2 майдан автобуслар пассажирларны ике маршрут буенча ташый башлаган. Башкаланың Гобәйдуллин һәм Баргузинская урамнары киселешендә бетон блоклар бер елга якын тора. Башта алар белән ремонт эшләре зонасын киртәләгән булганнар, аннары алырга онытканнар. Ул машиналарга да, җәяүлеләргә дә комачаулаган. Халык бу хакта социаль челтәрләрдә язып, блокларны алуны, ә участокны асфальтлауны сораган. Бу хәбәрне Башкортстанның ЦУР мәгъ­лүмат системалары тотканнан соң, Совет районы хакимияте аны контрольгә алган. Тиздән төзүче компания территорияне төзекләндерүне тәмамла­ган.Көчле җил подъезд тәрәзә­сен куптарган – Башкортстан ЦУР системасы Уфада Б. Хмельницкий урамындагы 125нче йортның 3нче подъездында яшәүче хатын-кызның шушы хәбәрен тер­кәгән. “Без Орджоникидзе районы хакимиятендәге коллегаларыбыз белән элемтәгә кердек. Проблеманы хәл итү белән 48нче ТЭУ хезмәткәр­ләре шөгыльләнде: алар рамнар һәм пыялалар куйды”, – дип язалар ЦУРдан. Уфада Кольцевая урамындагы 180нче йортның тышлыгы җимерелүе турында урындагы хатын-кызларның берсе социаль челтәрләрдә апрель ахырында язган. Ул фаҗига булганчы бинаның фасадын ремонтлауны сораган. Мөрә­җәгатьне Калинин районы хакимиятенә эшкә тапшырганнар. Тышлыкны ныгыту өчен идарәче компания сәнәгать альпинистларына мөрәҗәгать иткән. Май башында алар фасадны өлешчә ремонтланган, проблемалы тышлык плитәләрен ныгыткан. Социаль челтәрләрдәге тагын бер мөрәҗәгатьтә башкалада яшәүче Ибраһимов бульвары һәм Цюрупа урамы киселешендә тротуарда чокырны ямауны үтенә. Совет районы хакимияте эшкә алганнан соң, коммуналь хезмәтләр тротуарны асфальтлаган. Уфаның Сипайлово бистә­сен­дәге Королев урамы, 30/2нче йорт янындагы яңа балалар мәйданчыгында ком булмый. 10 майда аңа социаль челтәрләрдә урындагы хатын-кыз игътибар итә. Уфаның Октябрь районы хакимияте хезмәткәрләре мөрә-җәгатьне идарәче оешмага хәл итү өчен тапшырган. 12 майда балалар мәйданчыгына ком алып килгәннәр.Башкаланың Кольская урамын һәм Сипайлово урамына төшү юлын ремонтларга кирәклеге турындагы мөрә­җәгатьне “Инцидент-менеджмент” системасы тоткан, аннан соң аны башкаланың Октябрь районы хакимияте эшкә алган. Мөрәҗәгатькә, бу урамда юлны ремонтлауга кереш­теләр, дип җавап бирәләр. Эшләр акрын бара, чөнки күләме зур. Сипайлово урамына кадәр ремонт ясалачак. Бу мәсьәлә контрольдә тотыла. Благовещенда Октябрьнең 50 еллыгы урамын тәртипкә китергәннәр, әмма юл белән тротуар арасындагы араны төзекләндерәсе калган. Бу хакта социаль челтәрләрдә шәһәр халкы бер ел элек язган иде. Благовещен районы хакимияте проблеманы хәл итү юлын тапкан: ел дәвамында декоратив вак таш сатып алып, юл кырыен ремонтлаганнар. Коммуналь хезмәткәр­ләр эшне 17 майда тәмам­лаган.