FlyOne Armenia ավիաընկերությունը հունիսի 6-ից սկսել է Երևան-Թեհրան-Երևան կանոնավոր չվերթերը, տեղեկացնում է «Արմենպրես»-ը՝ վկայակոչելով ավիաընկերությունը։ Թռիչքները կիրականացվեն շաբաթական չորս անգամ՝ երկուշաբթի, երեքշաբթի, չորեքշաբթի և ուրբաթ օրերին:
Մայիսի 16-ին FlyOne Armenia-ն հայտարարել էր Երևան-Լառնակա-Երևան ուղիղ չվերթերի մեկնարկի մասին։ Թռիչքներն իրականացվում են շաբաթական երեք անգամ՝ երեքշաբթի, հինգշաբթի և շաբաթ օրերին: Միակողմանի տոմսի արժեքը սկսվում է 53 եվրոյից, հայտնել էին ընկերության մամուլի ծառայությունից։