Հայկական ծագումով ռուսական թենիսիստ Կարեն Խաչանովը Ֆրանսիայի բաց առաջնությունում (Ռոլան Գարոս) կվերադառնա Պրոֆեսիոնալ թենիսիստների ասոցիացիայի (ATP) վարկանիշային աղյուսակի լավագույն 10-ը, հաղորդում է Match TV-ն։ Վերջին անգամ նա լավագույն 10-յակում էր 2019 թվականի հոկտեմբերին։ Մինչ օրս մարզիկը վարկանիշային աղյուսակում զբաղեցնում է 11-րդ հորիզոնականը։
Խաչանովը հունիսի 4-ին դուրս եկավ Ռոլան Գարոսի մրցաշարի 1/4 եզրափակիչ։ Մրցաշարի չորրորդ տուրում մարզիկը հաղթել է Իտալիայի ներկայացուցիչ Լորենցո Սոնեգոյին։ Հանդիպումն ավարտվել է 1:6, 6:4, 7:6 (9:7), 6:1 հաշվով՝ հօգուտ Խաչանովի։
Վարկանիշի թոփ 10-ում, որը կթարմացվի հունիսի 12-ին, կլինեն միանգամից երեք ռուս թենիսիստներ՝ Խաչանովը, Դանիիլ Մեդվեդևը և Անդրեյ Ռուբլևը։