Юҡҡа ғына аҡ халатлыларҙы фәрештәләргә тиңләмәйҙәр! Тап улар пациентҡа ауыр булғанда ярҙамға ашыға, тап улар табип күрһәтмәләрен теүәл үтәп, сирленең хәлен еңеләйтә. Шәфҡәт туташтары һәм тағы фельдшерҙар һәр саҡ медицинаның алғы һыҙығында хеҙмәт итә. Шулай итеп, уларҙың иңенә әллә күпме эш һәм бихисап яуаплылыҡ һалынған. “Башҡортостан” гәзитенең “Бәйләнештә” төркөмөндә барған Медицина хеҙмәткәрҙәре көнөнә арналған конкурста әүҙем ҡатнашҡан Сулпан Фазлетдин ҡыҙы Моратова Сибай медицина колледжын “Дауалау эше” белгеслеге буйынса тамамлаған. Хеҙмәт эшмәкәрлеген Баймаҡ үҙәк район дауаханаһының балалар бүлексәһендә дежур шәфҡәт туташы булып башлаған. Артабан прививкалар яһау кабинетында участка шәфҡәт туташы булып та эшләгән. 2007 йылдан алып бөгөнгә тиклем – көндөҙгө стационарҙағы процедуралар кабинетында шәфҡәт туташы. Сулпан Фазлетдин ҡыҙына яуаплылыҡ, һәр эште еренә еткереп атҡарыу, ихласлыҡ кеүек сифаттар хас. Ул пациенттарға ла, хеҙмәттәштәренә ҡарата ла яҡшы мөғәмәләлә. Өҫтәүенә, ул