"Приуралье" юл идарәсе башлыгы урынбасары Денис Абрамов хәбәр иткәнчә, быел төзүчеләр Уфа, Куергазы, Авыргазы һәм Стәрлетамак районнарында Р-240 Уфа–Ырынбур трассасының гомум озынлыгы 105 километр булган участокларын ремонтлый башлаячак. Эшләрне 2024 елда тәмамларга планлаштыралар. М-5 «Урал» автомобиль юлында Туймазы, Благовар һәм Чишмә районнарындагы 81 километр озынлыктагы автомобиль яңартылачак. “Кандракүл” милли паркы янында 13 чакрым юл капиталь ремонтланачак. Моннан тыш, Уфа, Иглин һәм Туймазы районнарында 26 километр озынлыктагы 2 полосалы участокны файдалануга тапшырачаклар. Шулай ук агымдагы елда Илеш районында М-7 «Волга» федераль трассасына капиталь ремонт ясау да планлаштырыла. Ә киләсе елда әлеге автомобиль юлында Уфа һәм Кушнаренко районнарында искергән асфальт өслекне 31 километр га алыштырачаклар. Доклад ахырында Денис Абрамов М-12 Мәскәү-Казан трассасын дәвам итү турында сөйләде, аны Русия Президенты Владимир Путин кушуы буенча Екатеринбургка кадәр озайттылар. Республика участогын 2024 елда төзеп бетерәчәкләр. Барлык эшләр расланган график буенча бара. - Бу юлны без ил Президенты Владимир Владимирович Путин кушуы буенча төзибез. Биредә графиктан бернинди дә артта калу булырга тиеш түгел, - диде Радий Хәбиров. Башкортстан Башлыгы яңа трасса төзелешенең әһәмиятен ассызыклады һәм эшләрне башкару срокларын үтәүгә игътибар итте. АТөбәк җитәкчесе шулай ук республика Хөкүмәтенә подряд оешмалары катнашында автомобиль юлларын тоту мәсьәләләре буенча киңәшмә оештырырга кушты. Фото: glavarb.ru