Кичә Русия Гадәттән тыш хәлләр министрлыгының Башкортстан буенча Баш идарәсенә судагы тагын өч фаҗига турында хәбәр килде.Суга баткан өч кеше дә — яшь ир-атлар.Аларның берсе - Нефтекамадагы Карман сусаклагычында өреп кабарткан матраста йөзгән 32 яшьлек ир-ат.Шулай ук Чишмә районының Енгалыш авылында Кайгалыш буасында 35 яшьлек ир-ат батып үлгән.Суда тагын бер фаҗигале очрак Дәүләкән районында Дим елгасында була. Монда 30 яшьлек ир-ат батып үлгән. Кичә аның гәүдәсе табылмаган иде әле.Аннан алдагы көндә коткаручылар биш кешенең суга батуы турында хәбәр иткән иде. Су битарафлыкны гафу итми, эчкән кешеләрне яратмый. Сулыкларда саграк булсагыз иде. Фото: "МЧС по РБ"