Хәйбулла районы хакимиәте хәбәр итеүенсә, ошо көндәрҙә Ғәлиәхмәт ауылында йәшәгән Фәйрүзә Фазлетдин ҡыҙы Байғусҡарова үҙенең күркәм ғүмер байрамын - 90 йәшлек юбилейын билдәләй.Әлеге көндә Фәйрүзә инәй, улы Азат Ихсан улы һәм килене Айһылыу Мөҙәрис ҡыҙы менән бергә матур итеп, етеш донъяла ғүмер итә.Әлбиттә, оло кеше өсөн иң мөһиме - балалары һәм яҡындары яғынан ҡәҙер-хөрмәт һәм ихтирам. Был йәһәттән Байғусҡаровтар ғаиләһе ауылдың матур, өлгөлө ғаиләләренең береһе. Был ғаиләлә халҡыбыҙға күркәм булған традициялар һаҡлана, быуындар бәйләнеше, тәрбиә нигеҙҙәре ныҡлы.Фәйрүзә Фазлетдин ҡыҙын оло юбилейы менән ҡотлап, Аҡъюл ауыл биләмәһе башлығы Буранбай Илбәков, Хәйбулла районын ветерандар ойошмаһы рәйесе Рыҫбикә Аллағолова һәм Аҡъюл ауыл биләмәһе ветерандар ойошмаһы етәксеһе Хисам Абдуллин килделәр. Рыҫбикә Рәхимйән ҡыҙы юбилярға Хәйбулла районы хакимиәте башлығы Рөстәм Шәриповтан ҡотлау сәләмен һәм бүләген тапшырҙы.Фәйрүзә Фазлетдин ҡыҙына алдағы тормошонда ла ныҡлы һаулыҡ, именлек һәм балалары, ейән-ейәнсәрҙәре, бүлә-бүләсәләре менән артабан да оҙон ғүмер кисереүен теләйбеҙ!Шулай уҡ, ошо көндәрҙә Фәйрүзә инәйҙең килене, бөгөнгө көндә Ғәлиәхмәт ауылы "Ағинәйҙәр" клубын етәкләгән Айһылыу Мөҙәрис ҡыҙы Байғусҡарова ла үҙенең күркәм юбилейын билдәләне. Уны ла ҡотлайбыҙ һәм бары тик изге теләктәр теләйбеҙ! Фото: Хәйбулла районы хакимиәте