Бәлеш янына бишбармак, буза һәм чәк-чәк!

Башкортстан һәм Татарстан рестораторлары һәм отельерлары ассоциациясе вәкиллекләре Казан һәм ТР Рестораторлар һәм отельерлар ассоциациясе белән берлектә хезмәттәшлек турында өч яклы килешүгә кул куйдылар. Килешү кысаларында яклар гастрономия өлкәсендә хезмәттәшлекне үстерергә, урындагыц кафе һәм рестораннарда Башкортстан һәм Татарстанның милли аш-суын алга этәрергә, Башкортстанның татар, башкорт һәм локаль аш-суларының беренче уртак фестивальләрен үткәрергә ниятли.- Төбәкара хезмәттәшлекне үстерү кысаларында Башкортстан һәм Татарстан рестораторлары һәм отельерлары ассоциацияләре вәкилләре өч яклы килешүгә кул куйды, бу аларга безнең республикаларда инвестицион һәм эшкуарлык климатын яхшырту өчен тыгыз хезмәттәшлек урнаштырырга, шулай ук республика халкына һәм кунакларына хезмәт күрсәтү өлкәсен үстерү өчен барлык кирәкле шартларны булдырырга мөмкинлек бирәчәк. Болар барысы да Башкортстан һәм Татарстанның көчле конгресс-күргәзмә потенциалын тормышка ашыруга уңай йогынты ясарга тиеш, - дип аңлатма бирде Башкортстан Республикасының тышкы икътисади элемтәләр һәм конгресс эшчәнлеге министры Маргарита Болычева.«Рестораторлар һәм отельерлар федерациясе» Рестораторлар һәм отельерлар ассоциациясе вәкиллеге башлыгы Михаил Кумпан сүзләренчә, яклар Башкортстанның татар, башкорт һәм локаль аш-суларының беренче уртак фестивальләрен үткәрергә ниятли.- Казан һәм Уфа рестораннарында без урындагы һәм милли ашларны тәкъдим итәргә планлаштырабыз. Моннан тыш, төрле ризыклар әзерләү буенча мастер-класслар оештырырга, узган буын рецептларын өйрәнергә һәм аларны яңа интерпретациядә тәкъдим итәргә, шулай ук төбәкләрнең гастрономиясен алга сөрү өчен төрле форумнарга ярдәм күрсәтергә планлаштырабыз. Шулай ук без уртак кунак кабул итү сериясен билгеләдек, соңыннан аларны киңкүләм мәгълүмат чараларында яктыртырга планлаштырабыз, - дип билгеләп үтте Михаил Кумпан.Документка Рестораторлар һәм отельерлар ассоциациясенең Башкортстан Республикасындагы вәкиллеге башлыгы Михаил Кумпан, Татарстан Республикасындагы шундый ук Ассоциясе вәкиллеге башлыгы Нурислам Шәрифуллин һәм «Казан шәһәре һәм Татарстан Республикасы Рестораторлары һәм отельерлары ассоциациясе" президенты Зөфәр Гаязов кул куйдылар.