Өфөлә бер ҡатындың икенсе ҡатынға ҡарата хулиганлыҡ ҡылыу факты буйынса енәйәт эше асылған, тип хәбәр итә республика буйынса Тәфтиш комитеты. Тәфтишселәр оператив полиция хеҙмәткәрҙәре менән берлектә ваҡиғаның сәбәптәрен асыҡлай. Һөжүм иткән ҡара кейемдәге ҡатын тәфтиш бүлегенә килтерелгән. Хәтерегеҙгә төшөрәбеҙ, хижәбтәге ҡатын баш ҡаланың Софья Перовская урамындағы ихаталарҙың береһендә бала менән барған 42 йәшлек әсәгә ташлана. Эске эштәр министрлығының республика буйынса бүлексәһенән хәбәр итеүҙәренсә, һөжүм итеүсенең кемлеге асыҡланған. 36 йәшлек ҡатын ошо уҡ районда йәшәй. Яулыҡлы ҡатын балалы әсәгә ни өсөн ташланған? Яҡынса мәғлүмәттәрҙән күренеүенсә, бер ниндәй сәбәпһеҙ. Полиция хеҙмәткәрҙәренә ишеген асмай маташһа ла, туғандары ярҙамы менән астырып, уны полиция бүлегенә алып килгәндәр. Фото: Телеканал “Вся Уфа”.