Հայաստանը չի միացել Ուկրաինային պատճառված վնասների գրանցման ռեգիստր ստեղծելու մասին համաձայնագրին, որը ստորագրվել է Ռեյկյավիկում Եվրոպայի խորհրդի գագաթնաժողովի ժամանակ։
Բացի Երևանից, պայմանագիրը չեն ստորագրել նաև Ադրբեջանը, Թուրքիան, Հունգարիան, Սերբիան, Բոսնիա և Հերցեգովինան։ Փաստաթղթին միանալու մտադրության մասին հայտարարել են Անդորրան, Բուլղարիան և Շվեյցարիան։ Համաձայնագիրն ստորագրել է ընդհանուր առմամբ 41 երկիր։
ՀՀ վարչապետ Նիկոլ Փաշինյանը մայիսի 16-17-ը Ռեյկյավիկում մասնակցել է Եվրոպայի խորհրդի գագաթնաժողովին։ Ավելի վաղ գագաթնաժողովի իր ելույթում նա հայտարարել էր Բաքվի հետ տարածքային ամբողջականության փոխադարձ ճանաչման համաձայնագրի մասին։