Башҡортостандың Финанс министрлығы ойошмаларҙы һәм шәхси эшҡыуарҙарҙы йыл һайын үткәрелгән “Йыл һалым түләүсеһе” конкурсында ҡатнашырға саҡыра. Сараның маҡсаты – һалым тәртибенең юғары кимәле һәм эшҡыуарлыҡты үтә күренмәле итеп алып барған ойошмаларҙы асыҡлау һәм дәртләндереү. - Конкурс һөҙөмтәһендә берләшкән бюджетҡа түләнгән һалым үҫешен тәьмин иткән һалым түләүселәрҙе дәртләндерәбеҙ, республикала йәшәүселәрҙең мәшғүллеген, предприятиеларҙа эш хаҡы фонды үҫешенә булышлыҡ итәбеҙ. Конкурсты үткәреү һалым түләй алыу һәм намыҫлы һалым түләүсе статусына эйә булыуҙың абруйлы һәм иҡтисади йәһәттән уңышлыраҡ булған мөхитте формалаштырыуға булышлыҡ итә, - тине Башҡортостан Хөкүмәте Премьер-министры урынбаҫаоы – республиканың финанс министры Лира Иғтисамова. Конкурс түбәндәге эшмәкәрлек төрҙәре буйынса үткәрелә: ауыл, урман хужалыҡтары, һунарсылыҡ, балыҡсылыҡ һәм балыҡ үрсетеү, файҙалы ҡаҙылма байлыҡтарҙы табыу, эшкәртеү производствоһы, электр энергияһы, газ һәм пар менән тәьмин итеү, төҙөлөш, сауҙа, транспортировкалау һәм һаҡлау, һөнәри, ғилми һәм техник эшмәкәрлек, эшмәкәрлектең башҡа төрҙәре буйынса. Һәр номинацияла еңеүсе өс категория буйынса билдәләнәсәк: ҙур ойошмалар, урта эшҡыуарлыҡ субъекттары (шәхси эшҡыуарҙарҙан тыш) һәм унитар предприятиелар, бәләкәй эшҡыуарлыҡ субъекттары (шул иҫәптән шәхси эшҡыуарҙар). Башҡортостан Хөкүмәте Премьер-министры Андрей Назаров сарала еңеүселәрҙе наградлаясаҡ. Өс тапҡыр рәттән кәм булмаған еңеүсе тип танылғандар республиканың үҙҙәренең тармағын көйләгән башҡарма власть органдарына үҙҙәренең хеҙмәткәрҙәренә республиканың дәүләт наградаларын һәм грамоталарын юллау буйнса мөрәжәғәт итә, шулай уҡ документтарында һәм реклама материалдарында конкурс еңеүсеһе исемен файҙалана ала. Конкурс Башҡортостан Башлығы Указы менән раҫланған. Документтар 1 июндән 31 июлгә тиклем Өфө ҡалаһы, Туҡай урамы, 46-сы йорт адресы буйынса ҡағыҙ рәүешендә ҡабул ителә. Электрон адрес: minfin@bashkortostan.ru (электрон төр өсөн). Түбәндәге һылтанма буйынса өҫтәмә мәғлүмәттәргә эйә булырға мөмкин: https://minfin.bashkortostan.ru/documents/active/240470. Тағы республиканың Финанс министрлығы хеҙмәткәрҙрәен шылтыратып белешергә мөмкин: +7 (347) 280-95-51, 218-16-18. Фото: deloroskursk.ru