Ер алыуға сиратта торған күп балалы ғаиләләрҙең участка урынына 250 мең һумлыҡ сертификат алыу мөмкинлеге бар. “Беҙгә был хаҡта хәбәр иткәс, аптырап ҡалдыҡ, ышанырға ла, ышанмаҫҡа ла белмәнек. Ныҡ тулҡынландыҡ”, – ти Саҡмағош районының Имәнлеҡул ауылында йәшәгән Ширәевтәр. Уларҙың ғаиләһендә өс бала тәрбиәләнә. “Оҙаҡламай игеҙәктәребеҙҙең тыуған көнө, матур байрамдарына көтөлмәгән бүләк булды”, – тип һөйөнә Альбина Ғәлләметдин ҡыҙы. "Үрнәк ауылында йәшәгән Эльмира һәм Урал Кирәевтар ҙа өс бала үҫтерә, – тип яҙа “Игенсе” гәзите. Аҡсалата сертификат алыу ғаилә өсөн ҙур шатлыҡ. Аблай ауылында йәшәгән Динә Ҡыуандыҡова өсөн дә был көн һөйөнөслө. “Сабыр итеп, көтөп алдыҡ бүләкте ”, – ти ул. Саҡмағош районы хакимиәте башлығы Реканс Ямалиев сертификаттарҙы тапшырғанда күп бала тәрбиәләгән ғаиләләргә ҙур рәхмәт әйтте, һаулыҡ, уңыштар теләне. Аҙаҡ ғаиләләрҙең хәл-әхүәлен һорашты, ҡулдан килгәнсә ярҙам итергә вәғәҙә бирҙе. Лиана Ханмурзина фотолары.