Օգոստոսի 1-ից մինչև հոկտեմբեր 13-ը պահեստազորայինների վարժական հավաքներ կանցկացվեն։ Այս մասին տեղեկանում ենք ՀՀ պաշտպանության նախարարության ներկայացրած նախագծից։
Վարժական հավաքներին կներգրավվեն մինչև 2352 քաղաքացիներ։ Նրանցից 2115-ը շարքային և կրտսեր ենթասպայական կազմերից են, 110-ը` ավագ ենթասպայական կազմից, 127-ը` սպայական կազմի պահեստազորայիններ՝ համազորային (մոտոհրաձգային, կապի, հետախուզական, ինժեներական), հրթիռահրետանային մասնագիտություններով:
Նախատեսվում է ռազմատրանսպորտային պարտականություններ ունեցող մարմիններից ներգրավել նաև տրանսպորտային միջոցներ։
Հիշեցնենք, որ մարտի 1-ից մինչև մայիսի 12-ը անցկացվեցին պահեստազորայինների վարժական հավաքներ:
Հիշեցնենք, որ պահեստազորի հավաքները 3-ամսվա փոխարեն այսուհետ 25-օր են տևելու: Ավելի վաղ պաշտպանության նախարարը նշել էր, որ տարվա մեջ քաղաքացին կընտրի իրեն հարմար ժամանակամիջոցը, կամավորության սկզբունքով կներկայանա ծառայության, ապա 7 օր կանցնի վարժանք, իսկ 14 օր ծառայություն: