Ադրբեջանի պետական անվտանգության ծառայությունը հայտնել է Ադրբեջանի երկու քաղաքացիների ձերբակալության մասին, որոնք աշխատել են Հայաստանի հատուկ ծառայությունների համար։ Այս մասին հաղորդում են ադրբեջանական լրատվամիջոցները:
Պետանվտանգության ծառայությունը հրապարակել է մեղադրյալների անունները, որոնցից մեկը 1980թ. ծնված Ռաշադ Ահմեդովն է։ Վերջինիս մեղադրում են պետական դավաճանության և Ադրբեջանի դեմ ահաբեկչական գործողություններ ծրագրելու մեջ:
Ահմեդովի հանցակից երկրորդ կասկածյալը՝ Ռովշան Ամիրովը, ծնվել է 1991 թվականին։ Նա մեղադրվում է YouTube-ի միջոցով տեսանյութեր պատրաստելու և տարածելու մեջ՝ «Ադրբեջանի տարածքային ամբողջականության դեմ կոչով»։