“Сез – безнең өчен чын геройлар!”

Уфаның Совет мәйданында, Башкортстан Башлыгы Радий Хәбиров бишенче ирекле­ләр батальонын хәрби әзерлек үтү урынына озату чарасында катнашты. Ул легендар хәрби җитәкче, Советлар Союзы Герое, генерал-майор Таһир Кусимов исемен йөртә.Бу – төбәктә формалаша башлаган мотоукчылар полкының икенче подразделениесе. Полк составына, шулай ук, Даян Мурзин исе­мен­дәге батальон керәчәк, ул апрель ахырында хәрби әзерлек урынына юлланды. Тантаналы чара алдыннан Радий Хәби­ров һәм мәртәбәле кунаклар Русия Герое, генерал-майор Миңнегали Шәйморатов һәйкәленә чә­чәкләр салды. – Бүген бу мәйданнан генерал Таһир Кусимов исемендәге чираттагы, бишенче иреклеләр батальонын хәрби әзерлек үтү урынына озатабыз. Бер атнадан артиллерия дивизиясе анда юл тотачак. Ә тагын бер атнадан – башка подраз-делениеләр. Алар мотоукчылар полкын формалаштырачак. Мин аны “Башкортстан” дип атарга тәкъдим итәм, – диде Радий Хәбиров. – Бүген бөтен республика исеменнән мин сезгә җаваплы карарыгыз өчен тирән хөрмәт һәм рәхмәт сүзләрен җитке­рәм. Бу – гади карар тү­гел, ләкин ул безнең ил­гә бик кирәк. Бүген сез­нең карарыгызны хуплаган өчен туганнарыгызга һәм якыннарыгызга бөтен республика белән рәхмәт белдерә­без. Әлбәт­тә, без сезгә булы­шачак­быз. Республика­ның барлык көч­ләре, ресурслары, энергиясе сез­нең барыгызны да кирәкле әйбер­ләр белән тәэ­мин итүгә һәм ярдәм күрсәтүгә юнәлтеләчәк. Сез хәрби бурычыгызны, махсус хәрби опера­циядә меңләгән республика егете башкарган кебек, лаеклы үтәрсез дип өметләнәбез. Иң мөһиме – исән-сау кайтуыгызны үтенәм. Таһир Кусимов исемендәге батальон командиры ярдәм өчен республика җитәкче­легенә рәхмәт белдерде. – Ватаныбыз авыр чорлар кичергәндә, Башкортстан халкы беркайчан да читтә калмаган. Без алдыбызга куелган бурычларны лаеклы башкарачакбыз, – диде батальон командиры.Мәгълүм булуынча, бер көн алдан Радий Хә­биров Советлар Союзы Герое, генерал-майор Таһир Кусимов исемендәге иреклеләр батальоны командованиесе белән очрашкан иде.