Яшьләр көненә кадәр 41 көн калды. Быел бәйрәм 24 июньдә узачак - Владимир Путин кушуы буенча Яшьләр көнен июньнең соңгы шимбәсенә күчерделәр.Башкортстанда бәйрәм чаралары барлык муниципалитетларда да планлаштырылган - концертлар, квестлар, спорт ярышлары. Ә Уфада 23 һәм 24 июньдә Русия һәм Белорусия яшьләр форумы узачак. Анда катнашучылар эшкуарлык, яшьләр бергәлеген үстерү һәм уртак патриотик проектлар өлкәсендә тәҗрибә алмаша.Республика башкаласында бәйрәм чараларының үзәк мәйданчыгында Агыйдел елгасы буенда булачак. Биредә косплей-фестиваль, диджейлар, гейм-киңлекләр, бию фестивале, квестлар, спорт активлыгы белән зур интерактив зона җәелдерелә. Шунда ук Җәйге КВН кубогы, “Студентлар язы” җиңүчеләре һәм чакырылган артистлар катнашында концерт булачак.