Башкортстанда технопарклар челтәре һәм мәгариф үзәге булачак

“Системалы концессияләр” компаниясе генеральный директоры Валерий Ерёмин республикада заманча һөнәри белем бирү үзәген төзү концепциясен тәкъдим итте. Проектны дәүләт-хосусый партнерлык нигезендә тормышка ашыру планлаштырыла."Системалы концессияләр”нең агын бер проекты - төбәктә дәүләт-шәхси партнерлык принципларында технопарклар челтәрен булдыру. Башкортстанда инде 90 процентка тулган 30 индустриаль һәм технопарк эшли. Шуңа бәйле рәвештә кече һәм урта бизнес өчен яңа мәйданчыкларга ихтыяҗ зур.Башкортстан Башлыгы республика Хөкүмәтенә ике концессион проектны гамәлгә ашыруның төгәл финанс-икътисадый моделен эшләүне йөкләде.- Мондый мәйданчыкларга ихтыяҗ, һичшиксез, югары. Яңа технопаркларны урнаштыру өчен оптималь урыннарны билгеләү һәм алар турында алдан ук безнең бизнеска хәбәр итү мөһим, - диде Радий Хәбиров.«Уңыш» компанияләр төркемен гамәлгә куючы Радик Рәфыйков Стәрлетамак районында 2,8 мең сыерга исәпләнгән сөт фермасы төзү проектын тәкъдим итте. Инвестор инде җир участогы алган һәм терлекчелек комплексы төзелешенә 1,1 млрд. сумнан артык акча кертергә уйлый. Яңа производствода 30га якын эш урыны барлыкка киләчәк."Абсолют" компаниясе генеральный директоры Морад Габделнафыйков Уфа районында "БашФуд" логистик үзәген төзү проекты турында сөйләде. Сүз Башкортстанда күпләп-ваклап сату базасы булган азык-төлек өлкәсендә иң зур тарату мәйданчыгы булдыру турында бара.Туймазыда калдыкларны эшкәртү һәм компостлау автоматлаштырылган комплексын төзү планнары турында «Экология Т» компаниясе директоры Илнур Шакиров сөйләде.Фото: glavarb.ru