Биш сезонда - бер миллион гариза

Идарәчеләр конкурсының бишенче юбилей сезонында катнашу өчен "Русия - мөмкинлекләр иле" Президент платформасының "Русия лидерлары" флагман проектына барлык төбәкләрдән һәм дөньяның 89 иленнән 160 меңгә якын (158 995) гариза килгән.Гаризалар кабул итү 4 апрельдә башланып, 14 майда тәмамланды. Катнашучылар системага биографик анкета һәм видеоинтервью йөкләде. Бу - дистанцион этапның алдагы биремнәренә керү өчен мәҗбүри шарт.«Русия лидерлары» конкурсында катнашу өчен гаризалар кабул итү тәмамланды. Хәзер системага уңышлы теркәлгән, анкета һәм видеоинтервью йөкләгән һәркем проектның киләсе этабында – дистанцион тестта катнаша алачак.- Яңа сезонда катнашу өчен без Русиянең барлык төбәкләреннән һәм дөньяның 89 дәүләтеннән 160 меңгә якын гариза алдык. Конкурсның барлык биш сезонында Русиядән һәм дөньяның 150 дәүләтеннән 1 миллионнан артык теркәлү кабул ителгән. Бу - безнең командага көчле, дәртле лидерлар, югары класслы профессионаллар өстәлү.Позитив тенденция - катнашучы хатын-кызлар саны сизелерлек артты. Узган сезонда конкурсантлар арасында алар 29% иде, ә быел 36% булган. Хатын-кызлар саны 50% тан да арткан төбәкләр бар.Тәҗрибәле идарәчеләр өстенлек итә: конкурсның төп аудиториясен 36 яшьтән 40 яшькә кадәрге катнашучылар тәшкил итә, аларга конкурсантларның гомум санының 28% диярлек туры килә. Тагын 22 проценты өлкәнрәк катнашучыларга туры килә: 41 яшьтән 45 яшькә кадәр, 19 проценты - 31 яшьтән 35 яшькә кадәр. 30 яшькә кадәрге яшьләр гаризаларның 12 процентын тәшкил итә, ә 46 яшьтән өлкәнрәкләр 19 процент."Русия лидерлары"ның бишенче сезоны безгә мөһим, җаваплы эшкә тотынырга курыкмаган яңа геройлар – җитәкчеләр турында сөйләр дип ышанам, – дип билгеләп үтте "Русия - мөмкинлекләр иле" оешмасының генеральный директоры вазыйфасын башкаручы Алексей Комиссаров."Русия лидерлары" идарәчеләр конкурсы 2017 елдан Президент кушуы буенча үткәрелә һәм "Русия - мөмкинлекләр иле" платформасының флагман проекты булып тора. Конкурста 2 елдан артык җитәкчелек тәҗрибәсе булган һәм 55 яшькә кадәрге идарәчеләр катнаша. Төп бүләкләр арасында укытуга 1 млн сум күләмендә грант, Русиянең әйдәп баручы идарәчеләре арасыннан остаз белән очрашу мөмкинлеге, карьера консультацияләре һәм үсештә озата бару каралган.