Башкортстанның Благовар, Туймазы һәм Дүртөйле районнарыннан кошчылык предприятиеләре биш ай эчендә Казахстанга тәүлеклек 34 мең каз һәм 7 мең 250 үрдәк экспортлаган. Күршеләргә барлыгы 41 мең 250 авыл хуҗалыгы кошлары бәбкәләре сатылган. “Россельхознадзор”ның территориаль идарәсенең ветеринария хезмәте белгечләре тарафыннан күрше дәүләткә җибәрелгәнче кошларның барлык 32 партиясе дә тикшерелгән һәм рәсмиләштерелгән. Билгеле булуынча, илдә Президент Владимир Путин указы белән «Халыкара кооперация һәм экспорт» гомумдәүләт проекты гамәлгә ашырыла. Аның максаты — 2030 елга чималсыз, энергетик булмаган товарлар экспортының 2020 елдагы белән чагыштырганда 70 проценттан да ким булмаган үсешен тәэмин итү. Фото: “ferma-nasele.ru”