Янгыннан сак булыйк!

Яңа дача сезоны башланды. Димәк, бакчаларда кинәнеп эшләү белән бергә, рәхәтләнеп ял итү чоры да җитте. Шул ук вакытта анда учак ягу, мангалларны катгый кагыйдәләр буенча куллану кирәклеген дә истән чыгарырга ярамый. Сүз Русия Федерациясендә Янгынга каршы режим кагыйдәләре турында бара. Алар ил Хөкүмәтенең 2020 елның 16 сентябрендәге карары белән расланган, соңгы үзгәрешләр 2022 елның 24 октябрендәге карары белән кертелгән.Гомум таләп элеккечә калаРусия Федерациясендә Янгынга каршы режим кагыйдәләренең 66нчы пунктында моңа кадәр түбәндәге тәртип билгеләнгән иде.Торак пунктларның гомум файдаланудагы җирләрендә, шулай ук, торак пунктлар биләмәсендә урнашкан шәхси йорт хуҗалыклары терри­торияләрендә, махсус бүленгән һәм җиһазлан­дырылган урыннардан тыш, ризык әзерләү өчен ачык ут куллану, шулай ук чүп-чар, үлән, яфрак һәм башка калдыкларны, материалларны, әйберләрне яндыру тыела.Бу кагыйдә яңа законда башкача яңгыраш ала: шәхси йортлар территориясендә ризык әзерләү өчен ачык утны махсус бүлеп куелган һәм моның өчен җиһазландырылган урыннарда гына кулланырга мөмкин. Ә менә төрле материал­ларны, әйберләрне, шулай ук чүп-чар, үлән һәм яфраклар кергән калдыкларны хәзер яндырырга ярамый.4нче кушымта өстәлдеБу кушымта “Авыл хуҗалыгы тәгаенләнешендәге җирләрдә, запастагы җирләрдә һәм торак пунктлар җирләрендә ачык ут куллану һәм учаклар ягу тәртибе” дип атала.Онытмагыз: күрсәтелгән тәртип киңәш буларак кына билгеләнми, ә катгый таләпләр куя.Ачык утны куллануның дүрт шартыАлар Кушымтаның 2нче пунктында язылган. Ачык утны куллану махсус җиһазландырылган урыннарда түбәндәге таләпләрне үтәгәндә рөхсәт ителә:а) ачык утны файдалану урыны котлован рәвешендә һәм тирәнлеге кимендә һәм диаметры 1 метрдан артмаган, яки металл савыт урнаштырыл­ган, мәсәлән, мичкә, бак, мангал яисә янмый торган башка материаллардан эшләнгән корылма урнаштырылган, мәйдан булырга тиеш. Әлбәттә, учак ялкыны һәм очкынның бер метрдан читкә чыкмавын тәэмин итү мотлак сакланырга тиеш;б) ачык утны куллану урыны иң якын объекттан (бина, корылма, йорт, ачык склад һ.б) кимендә 50 метр ераклыкта, ылыслы агач урманыннан яисә аерым үскән ылыслы агачлардан һәм яшь үсентеләрдән 100 метр ераклыкта урнашырга тиеш. Коры үләннәрне, ботакларны, яфракларны һәм башка янучан үсемлекләрне яндыру өчен ачык ут кулланганда, торак пунктларның шәхси җир участокларында, шулай ук, бакча яисә яшелчә җире участокларында ачык ут куллану урыны биналарга, корылмаларга кадәр ким дигәндә 15 метр ераклыкта урнашырга тиеш;в) ачык ут куллану урыны янындагы мәйданчык агач-үләннән, чыбык-чабык, киселгән агач калдыкларыннан, башка янучан материаллардан 10 метр радиуста чистартылырга һәм 0,4 метр киңлектәге янгынга каршы полоса белән аерылырга тиеш;г) ачык уттан файдаланучы кешеләр янгын сүндерү һәм утның юлын бүлү өчен локаль­ләштерүче беренчел чаралар, шулай ук, мобиль янгын сүндерүчеләрне чакырту өчен мобиль элемтә чаралары белән тәэмин ителергә тиеш.Мангаллар өчен минималь ара киметелгәнБу кагыйдәгә 5нче пунктта ачыклык кертелә. Анда янмый торган материаллардан эшләнгән савытларда азык әзерләү өчен учакны бакча учас­токлары, торак пунктлар, төрле категориядәге җирләрдә учак урыныннан йортларга, биналарга һәм корылмаларга кадәр булган хәвефсезлек зонасы да, яну хәвефсезлеге булган материаллардан ераклыгы кимендә 5 метр тәшкил итәргә тиеш.“Пионер” учагын кабызырга теләүчеләргәЯнучы калдыкларны урнаштыру ноктасының биеклеге 1 метр булса, чистарту зонасының радиусы 15 метрдан ким булмаска тиеш. Шундый ук тәртиптә алдагы пропорцияләр шундый: 1,5х20 м, 2х25 м, 2,5х30 м һәм 3х50 м.Шул ук вакытта ачык ут кулланылган һәр учак беренчел янгын сүндерү чаралары белән тәэмин ителергә һәм янгын хәвефсезлеге чараларына өйрәтелгән ким дигәндә 2 кеше җәлеп ителергә тиеш.Кайда һәм кайчан катгый тыела?Ачык ут куллану:* торфлы туфракта;* территориядә янгынга каршы махсус режим урнаштырылганда;* кешеләр өчен куркыныч көчле җил турында метеорологик мәгълүмат хәбәр ителгәч;* ылыслы агачларның ябалдашлары астында;* учак ягылган металл савыт төзек булмаган очракта (ярылган, тишелгән һәм ялкынның учактан ерак таралу куркынычын тудырган шартларда);* ачык ут металл савытта булмаган яисә ул янып китү куркынычы гарантияләнмәгән һәм учак ялкынының читкә китү куркынычына юл куелмаган очракта – җилнең тизлеге секундка 5 метрдан артып киткәндә;* җилнең тизлеге, гомумән, секундына 10 метрдан артып киткән очракларда ачык ут куллану катгый тыела.