Батарея белән батальонга якташларыбыз исемнәре бирелде. Сергей Иванович Зоринга “Советлар Союзы Герое” исеме 1945 елның 24 мартында бирелә. Сугышчан батырлыклары өчен ул, шулай ук,Кызыл Йолдыз ордены, медальләр белән бүләкләнә.Шәриф Сөләйманов Берлинга кадәр барып җитә, артиллерия взводы, батарея командиры вазыйфаларында хезмәт итә. Өч тапкыр яралана. 1943 елның 24 декабрендә күрсәткән батырлыклары өчен Шәриф Сөләймановка “Советлар Союзы Герое” исеме бирелә. Герой сугышны майор дәрәҗәсендә тәмамлый, арытаба запаска китә. Сугыштан соң Уфаның Молотов районы финанс бүлеге мөдире булып эшли, 1971-78 елларда Башкорт АССР финанс министры була.Подразделениеләрне хәрби әзерлек үтү урынына озату тантанасында Башкортстан Башлыгы Радий Хәбиров катнашты. Ул якташларыбызга хәрби бурычларны үтәүдә уңышлар теләде һәм солдатларны туган республикада көтеп калуларын белдерде.– Без “Башкортстан” иреклеләр полкын формалаштыру эшен дәвам итәбез. Ике батальон инде хәрби күнекмәләр үтә. Бүген зенит-артилерия һәм танк батальонын хәрби укуга җибәрәбез. Алар Советлар Союзы Геройлары, Бөек Ватан сугышы ветераннары, якташларыбыз Зорин Сергей Иванович һәм Сөләйманов Шәриф Сөләйманович исемен йөртә. Алар бөтен сугышны үткән, озын, матур, якты тормыш алып барган һәм без Геройларыбыз белән горурланабыз. Сез бу исемле подразделениеләрдә хезмәт итеп, үз бурычыгызны лаеклы үтәрсез дип ышанам.Бүген бөтен республика исеменнән сезгә тирән хөрмәт һәм рәхмәт сүзләрен җиткерәсем килә. Сез бик җаваплы карар кабул иткәнсез. Мин сезнең туганнарыгызны, якыннарыгызны күрәм. Һәм, әлбәттә, аларга бу карарны кабул итүдә сезгә ярдәм иткәннәре өчен рәхмәт белдерәм. Без хәрби операция зонасында хезмәт итүче сугышчыларыбызга ярдәм иттек, ярдәм итәбез һәм итәчәкбез. Иң мөһиме – Җиңү белән исән-сау килеш туган республикага, гаиләләрегез янына кайтыгыз, – диде Радий Хәбиров.