Башҡортостандың Торлаҡ-коммуналь хужалыҡ министрлығынан хәбәр итеүҙәренсә, Әлшәй районының Раевка ауыл Советы биләмәһендә һыу таҙартыу системаһы төҙөлөшө тамамланып килә. Система Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектының (национальный проект “Жилье и городская среда”) “Таҙа һыу” федераль проектына ярашлы ғәмәлгә индерелә. Ул Башҡортостанда программа тормошҡа ашырыла башлағандан алып файҙаланыуға тапшырылған унынсы эсәр һыу менән тәьмин итеү объектын тәшкил итәсәк. “Әле объектта планлаштырылған эш 94 процентҡа башҡарылған, бактерицид ҡулайлама модулен монтажлауҙы тамамлайҙар. Көйләү һәм төҙөкләндереү ғәмәлдәре ҡалған. Һыу тәьминәте системаһы сафҡа индерелгәндән һуң Раевка ауыл Советында йәшәгән 13 288 кеше сифатлы эсәр һыу менән тәьмин ителәсәк. Объектты быйыл көҙ файҙаланыуға тапшырыу планлаштырыла”, – тине Рәсәй Төҙөлөш министрлығының Проект дирекцияһы директоры урынбаҫары Татьяна Волкова. Фото: contenta.info Сығанаҡ: https://contenta.info/press_releases/476226#scroll