Балтас үҙәк район дауаханаһына, “Һаулыҡ һаҡлау” милли проектына ярашлы,яңы “РуСкан 60” ультратауыш сканеры алынды. Яңы күп функциялы сканер заман талаптарына ярашлы, юғары тәьҫирле, ышаныслы ультратауыш приборы.Ул тиҙ диагностика яһауға һәләтле, һүрәттәр сифаты яҡшы.Сканлау мөмкинлектәре киң, һүрәттәрҙе эшкәртеү технологиялары юғары кимәлдә. –Датчиктарҙы һайлап алыу мөмкинлеге булыуы һөҙөмтәһендә ультратауыш системаһы аппаратты киң ҡулланырға ярҙам итә. Яңы ҡорамал белгестәребеҙгә заман менән бергә атларға булыша. Аныҡ һүрәттәр тикшерелеүсе ағзаның структураһындағы ваҡ ҡына үҙгәрештәрҙе күрергә ярҙам итә. Шуға күрә сирҙәрҙе иртә стадияла асыҡлау мөмкинлеге арта, – ти Балтас үҙәк район дауаханаһының баш табибы Салауат Ғилметдинов. Быйыл “Һаулыҡ һаҡлау” милли проектына ярашлы, республиканың медицина учреждениеларына 32 дана ультратауыш аппараты алынасаҡ. Рәсәй Президенты Владимир Путиндың “май” указдарына ярашлы, һаулыҡ һаҡлау тармағы алдында торған ошо бурыстарҙы тормошҡа ашырырға кәрәк: хеҙмәткә һәләтле йәштәге халыҡтың үлем күрһәткестәрен кәметеү, шулай уҡ яман шештәрҙән үлем күрһәткестәрен ( 100 мең кешегә 185 сир осрағына тиклем) аҙайтыу, сабыйҙар үлемен ҡыҫҡартыу (бер мең яңы тыуған сабыйға 4,5 промиллегә тиклем) һәм һәр кемдең тәүге медицина ярҙамынан файҙаланыу мөмкинлектәрен арттырыу. “Һаулыҡ һаҡлау” милли проектына (национальный проект “Здравоохранение”) ярашлы, инновациялы медицина технологияларын, шул иҫәптән, пациенттың сәләмәтлегенә иртә диагностика һәм дистанцион мониторинг системаһын индереү, тармаҡта берҙәм дәүләт мәғлүмәт системаһы нигеҙендә медицина ойошмаларының үҙ-ара берҙәм эшмәкәрлеге механизмдарын булдырыу – көн ҡаҙағындағы бурыстарҙың береһе. Фото: Һаулыҡ һаҡлау министрлығы.