Радий Хәбиров Авыргазы районындагы эш сәфәренә йомгаклар ясады

Эш башланыр алдыннан төбәк җитәкчесе Авыргазы районы предприятиеләренең икътисадның һәм социаль өлкәнең төрле тармакларындагы продукциясе һәм казанышлары күргәзмәсен карады. Семинарда чыгыш ясаганда Радий Хәбиров урындагы үзидарә органнары эшенең якын киләчәккә актуаль бурычларын билгеләде. - Без сезнең белән ил һәм республика үсешенең авыр чорында эшлибез. Авыл биләмәләрендә эшләү никадәр авыр икәнен аңлыйм. Без сезнең сорауларыгызны, тәкъдимнәрегезне ишетү һәм аларны хәл итүдә ярдәм итәргә тырышу өчен даими рәвештә шундый очрашулар үткәрәбез, - диде Радий Хәбиров. Башкортстан Башлыгы урындагы коллегаларына махсус хәрби операциядә катнашучыларга һәм аларның гаиләләренә ярдәм иткән өчен рәхмәт белдерде. Ул шулай ук хәбәр иткәнчә, республика икътисады заманча чакырулар шартларында тотрыклы үсеш ала. Бу шул исәптән бер-берсе белән нәтиҗәле хезмәттәшлек итүче предприятиеләр һәм муниципалитетлар җитәкчеләренең дә казанышы. - Башкортстан - бик көчле төбәк, ул күп күрсәткечләр буенча Русия лидеры була. Бездә яңа бизнесны башлап җибәрү өчен инвестицияләр җәлеп итүнең яхшы динамикасы да күзәтелә. Әлеге производстволарны квалификацияле кадрлар белән тәэмин итүдә ярдәм итәргә кирәк, - дип аңлатты Радий Хәбиров. Чыгышының ахырында төбәк җитәкчесе авылларда яшәүчеләр белән муниципалитетлар үсешенең актуаль мәсьәләләре буенча даими диалог кирәклегенә игътибар итте. Фото: glavarb.ru