Курск өлкәсенең Глушково поселогында яшәүче буе бары тик 80 сантиметр булган кыз быел 11нче сыйныфны тәмамлый. Бу хакта “Baza Telegram” каналы хәбәр итә.Кыз берничә ел элек Русиядә төшерелгән сериалларның берсендә катнашкан, әмма хәзерге вакытта актерлык карьерасы турында уйламый, университетка менеджмент факультетына укырга керергә ниятли. Полина Скорик безнең илдә иң кечкенә кеше буларак билгеле. Кыз — Русиядә сирәк очрый торган авыруны йөртүче бердәнбер кеше. Чыгарылыш сыйныф укучысына аноксетик дисплазия диагнозы куелган (тәннең тукымалары, органнары яки өлешләре төзелеше бозылу, шунлыктан күзәнәкләр деформацияләнә). Полинага киләчәктә зур уңышлар юлдаш булсын. Барлык теләкләре дә тормышка ашсын! Фото: super-static