Балчыктан яралган һөнәр

Биредә керамик әйберләр, фольклор әсәрләре геройлары фигуралары, шулай ук, республика тарихы һәм мәдәниятеннән күләмле объектлар, сувенир продукциясе ясала.Иҗади студия җитәкчесе, Авыргазы күппрофильле колледжы укытучысы, республика һәм бөтенрусия конкурсларында катнашучы һәм җиңүче Зәки Нагаев балчыктан эксклюзив эшләнмәләр ясау белән шөгыльләнүе турында сөйләде.2022 елда студия җитәкчесе җитештерүне үстерүгә республика грантын яулый, шуның ярдәмендә остаханә өчен яңа җиһазларга заказ ясый ала.Быел февральдә Зәки Нагаев «Башкортстанның халык остасы» исеменә лаек булды. Ә аның керамик сувенирлары Авыргазы районының туристлык брендына әверелде.Мастер җитәкчелегендә студиядә Авыргазы күппрофильле колледжы студентлары эшли һәм тәҗрибә туплый. Халык кәсебе белән Зәки Нагаевның оныклары Арсен һәм Чыңгыз да шөгыльләнә башлый.- Бездә республикада бердәнбер чүлмәк ясау остаханәсе бар, анда бөтен керамика үз балчыгыннан ясала. Чималны без Ново-Федоровка авылындагы карьердан алабыз, анда кайчандыр кирпеч заводы урнашкан булган. Шулай ук Шакша, Күмертау, Дүртөйле шәһәрләрендә дә ятмалар бар, – диде Зәки Нагаев.Мастер Авыргазы күппрофильле колледжы студентларының аерым төркемен чүлмәкчелеккә өйрәтү өчен җыярга ниятли. Радий Хәбиров мәгариф һәм фән министрына колледжда мондый белгечлек буенча укытуны кертү турында йөкләмә бирәчәген әйтте.- Башкортстанга туристлар агымы арту сәбәпле, безгә уникаль сувенир продукциясе җитешми. Сезнең остаханәгезне «Башкортстанда озын гомерлелек» һәм «Мәктәп туризмы» республика программалары маршрутларына кертергә кирәк, – дип ассызыклады Радий Хәбиров. - Безнең халыкта балчыктан эшләнмәләр ясау процессының ничек баруын күрергә мөмкинлек булырга тиеш. Сезнең сувенирлар безнең визит үзәкләрендә дә булырга тиеш. Көз көне без аларның берсен булачак Евразия күчмә цивилизацияләр музее территориясендә ачарга уйлыйбыз.Башкортстан Башлыгы музейның Мактаулы кунаклары китабына җылы сүзләр язып куйды һәм «Кирач» иҗат төркеменә уңышлы эш теләде.