Башҡортостандың Урман хужалығы министрлығынан хәбәр итеүҙәренсә, “Утты туҡтат!” янғынға ҡаршы федераль мәғлүмәт кампанияһы нигеҙендә Урман хужалығы, Мәғариф һәм фән министрлыҡтары, Республика балалар экология-биология үҙәге “Туҡта урман янғыны!” агитбригадалар конкурсын үткәрҙе. Ул 24 марттан 19 майға тиклем дауам итте. Урман фондында янғынға юл ҡуймау буйынса эште Башҡортостандың Урман хужалығы министрлығы Рәсәй Президенты Владимир Путиндың май указы менән раҫланған “Экология” милли проектына (национальный проект “Экология”) ярашлы алып бара. Конкурста республиканың 22 районынан һәм 5 ҡалаһынан 121 агитбригада ҡатнашты. Конкурс йомғаҡтары буйынса Дүртөйлө ҡалаһының 5-се мәктәбе, Илеш районы Үрге Йәркәй ауылының 4-се мәктәбе, Баҡалы районы Иҫке Ҡорос ауылындағы “Имәнкәй” мәктәп урмансылығы, Сибай ҡалаһының Балалар экология-биология үҙәге, Стәрлетамаҡтың 32-се балалар баҡсаһы. Бәләбәйҙең 36-сы “Ал сәскә” балалар баҡсаһы, Благовещен ҡалаһының 9-сы “Әтәскәй” балалар баҡсаһы, Өфө районының Дмитриевка ауылындағы “Березка” балалар баҡсаһы еңеүсе тип танылды. Фото: contenta.info Сығанаҡ: https://contenta.info/press_releases/476639#scroll