Сәер, Аллаһы Тәгаләне олылап, бер сәгать догалар укысак, ул вакыт безгә бик озак булып, ә теливизор карап утырсак, шул ук вакыт бик кыска тоела.Сәер, догалар уку, догалар өйрәнү өчен безгә фикеребезне туплау авыр-мәшәкатле булса, танышлар белән әңгәмә кору безгә берни дә тормый.Гаҗәп бит, без кайчак Коръәни Кәримнең бер сүрәсен укырга авырсынабыз, ә урам хәбәрләрен бер ишетүдә отып калабыз һәм башкаларга да сөйли алабыз.Сәер, без имеш-мимешләрне җиңел — бер ишетүдә үк отып алабыз һәм кабатлап сөйли дә алабыз, ә Коръәни Кәримдә язылганнарга бик авыр ышанабыз.Сәер, безнең барчабыз оҗмахка (җәннәткә) керергә тели (хыяллана), ә менә шуңа ирешү өчен кыл да кыймылдатмый.Сәер, без бер үк вакытта судья да, адвокат та була алабыз: башкаларның гөнаһлары турында сүз барса, без - судья, ә үзебезнең гөнаһларыбыз турында сүз барса, без - адвокат.Сәер, барлык кешеләр дә югарыда язылганнар алар өчен түгел, ә башкалар өчен язылган дип уйлый...Автор фотосы.