Նախագահական ընտրությունները երկրի ապագան ինքնուրույն որոշելու վերջին հնարավորությունն են, վստահեցնում է թուրքական ընդդիմությունը։ Այս մասին հայտնում է РИА Новости-ն: Էրդողանի մրցակից Քեմալ Քըլըչդարօղլուն նույնիսկ հորդորել է իր կողմնակիցներին մայիսի 14-ին իր հաղթանակի դեպքում փողոց դուրս չգալ՝ սադրանքներից խուսափելու համար։
Ապրիլի վերջին Ռեջեփ Թայիփ Էրդողանի ինքնազգոցողությունը վատացել էր լրագրողների հետ զրույցի ժամանակ։ Անմիջապես լուրեր էին տարածվել նախագահի առողջական ծանր վիճակի մասին։ Խոսել էինկաթվածի, ստամոքսի քաղցկեղի հավանականության մասին։ Վարչակազմը հերքել էր այս ամենը՝ պատճառաբանելով թեթև մրսածությունը։ Սակայն սոցցանցերում գործող ղեկավարի կողմնակիցները չէին թաքցնում իրենց անհանգստությունը։
Էրդողանը հանգստացրել էր նրանց՝ ցույց տալով, որ գերազանց վիճակում է։ Դեպքի հենց հաջորդ օրը նա Վլադիմիր Պուտինի հետ հեռակա կարգով մասնակցել էր Ակկույու ատոմակայանում վառելիքի առաքման արարողությանը։ Այնուհետև ադրբեջանցի գործընկեր Իլհամ Ալիևի հետ այցելել էր Teknofest տեխնոլոգիական ցուցահանդես, որտեղ լրատվամիջոցներին ասել էր, որ իր հետ ամեն ինչ կարգին է և նշել երկրի առաջին թռիչքի հավակնորդների անունները: Ի վերջո, նախագահի կենսունակության վերաբերյալ կասկածները փարատվել էին Անկարայում, Ստամբուլում և Իզմիրում հազարավոր հանրահավաքներում ունեցած ելույթներից հետո։
«Այդուհանդերձ, ծավալվել էին վեճեր խորհրդարանական կառավարման ձևին անցնելու վերաբերյալ: Ընդդիմությունը կոչ է անում թուլացնել նախագահական լիազորությունները՝ դատարաններին և լրատվամիջոցներին ազատությունը վերադարձնելու, ԱՄՆ-ի հետ հարաբերությունները կարգավորելու և Եվրամիությանն անդամակցելու փորձերը վերսկսելու համար։ Էրդողանը մեղադրում է հակառակորդներին հասարակության պառակտման և անկայուն տնտեսության վրա նախընտրական արշավ կառուցելու մեջ՝ երկիրը տանելով դեպի անցյալ, իսկ ինքը՝ դեպի ապագա»,- հայտնում է աղբյուրը։