Уфада Җиңү көненә багышланган парад үтте

Трибуналарда Бөек Ватан сугышы ветераннары, тыл хезмәтчәннәре, сугыш чоры балалары, хәрби хәрәкәтләрдә һәм махсус хәрби операциядә катнашучылар, аларның гаилә әгъзалары, хәрби хезмәт һәм хокук саклау органнары ветераннары урын алган иде.Ветераннарны, парадта катнашучыларны һәм республика халкын Башкортстан Башлыгы Радий Хәбиров сәламләде. Үз чыгышында ул фронтовик геройлар, тыл хезмәтчәннәре, сугыш чоры балалары батырлыгы турында хәтерне саклауның мөһимлеген, аларның хәрби һәм хезмәт батырлыкларына тиңләшергә кирәклеген ассызыклады, 1945 ел вакыйгаларының хәзерге заман белән бәйләнешен билгеләп үтте.- Сезне Бөек Ватан сугышында совет халкы Җиңүенең 78 еллыгы белән чын күңелдән котлыйм! Бүген без җиңүчеләр буынына тирән хөрмәт күрсәтәбез. Безнең йөрәкләрдә һәрвакыт фронтовик геройларның, тыл хезмәтчәннәренең, сугыш чоры балаларының батырлыгы турында хәтер яшәячәк. Бүген Ватанны батырларча саклаучы, Украинада нацизмга каршы көрәшүче барлык сугышчыларыбызга рәхмәтлебез. Без аларга сугыш бурычларын лаеклы үтәвен телибез. Өйдә исән-сау көтәбез. Алар - безнең өчен чын геройлар. Бу җаваплы көннәрдә республикада яшәүче берләшкән халыкка рәхмәт белдерәм. Алар үзләренең патриотизмын күрсәтә, сугышчыларыбызга һәм Президентыбызга чын күңелдән ярдәм итәләр. Җиңү көнендә Ватан өчен гомерләрен биргәннәрнең исемнәрен искә төшерик, - диде Радий Хәбиров һәм геройлар истәлегенә бер минут тынлык игълан итте.Республика Башлыгы билгеләп үткәнчә, безнең бурыч — тарихи хәтерне саклау һәм Ватаныбызга тугры булу.- Без һичшиксез җиңәчәкбез! Безнең буын тарихында да Җиңү көне булырга тиеш! Сезгә, кадерле ветераннарыбыз, хәрбиләребез, республиканың барлык халкына ныклы сәламәтлек һәм тыныч күк телим! Җиңүче халыкка мәңгелек дан! Бәйрәм белән сезне, кадерле дуслар! Җиңү көне белән! - диде Радий Хәбиров.Полковник Рамил Хәйретдинов җитәкчелегендәге парадны Башкортстанның хәрби комиссары, Уфа территориаль гарнизоны начальнигы, полковник Михаил Блажевич кабул итте.Ленин исемендәге мәйдан буйлап Уфа гарнизонының 1500дән артык хәрби хезмәткәре, Уфада урнашкан көч структуралары учреждениеләре хезмәткәрләре, хәрби хәрәкәтләр һәм хәрби хезмәт ветераннары, уку йортлары курсантлары һәм кадетлары, Эчке эшләр министрлыгының кинология хезмәте һәм Русия Эчке эшләр министрлыгының Уфа буенча идарәсе полиция патруль-пост хезмәте полкының оператив реакция батальоны кавалерия взводының парад расчеты үтте.Тамашачылар, шулай ук, Бөек Ватан сугышы чорындагы хәрби техниканың, шул исәптән атаклы "Т-34" танкының, шулай ук заманча хәрби техниканың үтүен күрә алды. Парад Первушино аэродром комплексының демонстрацион күрсәтмә төркеме һәм вертолетлар чыгышы белән тәмамланды.Парад тәмамланганнан соң, Башкортстан Башлыгы Бөек Ватан сугышы ветераннары белән аралашты, батырлыклары өчен рәхмәт белдерде һәм ныклы сәламәтлек теләде.Моннан тыш, Радий Хәбиров ялда булган Шәйморатов һәм Доставалов исемендәге батальон сугышчылары белән әңгәмә корды, аларның ялы ничек узуы белән кызыксынды, егетләргә фидакарьлекләре өчен рәхмәт белдерде.Фото: "Башинформ" агентлыгы