Салауат ҡалаһының бизнес-шәрифе Урал Мәғизов белдереүенсә, Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты буйынса (национальный проект “Малое и среднее предпринимательство и поддержка индивидуальной предпринимательской инициативы”) ҡалала маҡсатлы эш алып барыла. Салауаттан эшҡыуар Алексей Новиньков еңел төҙөлә торған капсула йорттары, шулай уҡ глэмпингтар өсөн йорттар эшләй. Ул тиҙ төҙөлә торған энергия һөҙөмтәле капсулалы торлаҡ ҡаралтыларын етештереү технологияһын әҙерләгән һәм патент алған. Бындай капсула йорттарын төҙөүҙең аналогтары юҡ. Алексей һәм уның компанияһы йорттарҙы юғары теүәллек автоматикаһын һәм һанлы программалы идара итеү станоктарын ҡулланып төҙөй, шуның менән үҙҡиммәтен кәметә һәм продукцияның сифатын күтәрә. Төҙөлөш, ҙур конструктор булараҡ, өс-дүрт көн дауамында йыйыла. Капсулалы йорттоң формаһы һәм тышҡы биҙәлеше клиенттың фантазияһы менән генә сикләнгән. Алексей Новиньков сеймал, бәләкәй һәм урта эшҡыуарлыҡ субъекттарына ярҙам күрһәтеү муниципаль программаһы сиктәрендә продукция етештереү өсөн кәрәкле материалдар һатып алыуға киткән сығымдарҙы ҡаплауға субсидия алды. Эшҡыуар ҡала тормошонда әүҙем ҡатнаша, күптән түгел махсус хәрби операция биләмәһендәге Салауат егеттәре өсөн тәгәрмәсле мунса яһаған. Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Фото: Радий Хәбировтың бизнес менән аралашыу төркөмө. #ВладимирПутин#национальныепроекты#нацпроекты#региональныепроекты#регпроекты#нацпроектыБашкортостан