Мәгълүм булганча, Уралда һәм Себердә көчле янгыннар дәвам итә. Бүген, таң атканда, янгын Курган өлкәсенең данлыклы Йолдыз (Ичкен) татар авылына да килеп җиткән. Бик каты җил булу сәбәпле, берничә минут эчендә бөтен авылны ялкын чолгап алган.Ичкеннән бер нәрсә дә калмаган. Нинди зур, матур авыл иде... Курган татарларының башкаласы! Меңнән артык кеше яшәгән авылда бер мәчет кенә утырып калган, диләр.Җәмәгать, бик күп ярдәм кирәк! Кешеләр бернәрсәсез калган. Үзебездән мөмкин кадәр өлеш чыгарыйк!Кирәкле әйберләр исемлеге:– су;– тиз бозылмый торган ризык;– өс һәм аяк киемнәре;– дарулар;– телефон зарядниклары;– һәм башка бик күп көндәлек тормыш өчен кирәк-ярак.Акчалата ярдәм итәргә теләүчеләр 89274085465 телефон номеры буенча "Сбербанк" картасына күчерә ала. Кирәк-яракларны Уфаның "Ихлас" мәчетенә китерә аласыз. Шушы телефоннарга шалтыратып, барлык нечкәлекләрне белә аласыз: +7 901 441-21-24 Ришат хәзрәт Халиков, +79174145415 Альфред хәзрәт Дәүләтшин.