Мәмәдәл авылында "Кайгылы ана" һәйкәле ачылды

Тантанлы чарада Дүртөйле районы хакимияте башлыгы Риф Йосыпов, Дәүләт җыелышы-Корылтай депутаты, "Бердәм Русия" тарафдарларының төбәк советы рәисе Яков Кугубаев, Мәмәдәл һәм күрше авыллар халкы катнашты. Әлеге һәйкәлнең авторы - рәссам Фәрит Галләмов. Аның өстендә эш бер ел дәвам иткән. Төп иганәче булып “В. И. Ленин исемендәге токымчылык заводы” җәмгыяте генеральный директоры Альберт Дәүләтбаев чыгыш ясаган. Альберт Рафаил улы - "Атайсал – минем кече Ватаным” программасына иң саллы өлеш кертүче район Советы депутаты. Ул берьюлы берничә зур проектның иганәчесе буларак чыгыш ясады. Альберт Дәүләтбаев Суккул авылында күркәм мәчет төзеткән, урындагы мәдәният йортын төзекләндергән, хоккей тартмасы төзеткән һәм балаларга хоккей өчен форма сатып алып биргән. 4 майда Уфаның “Торатау” конгресс-холлында узган "Якташлык көче - Сила землячества" икенче форумында төбәк җитәкчесе Радий Хәбиров Альберт Дәүләбаевка Башкортстан Башлыгының Рәхмәт хатын тапшырды. 2022 елда Мәмәдәл авылында урындагы башлангычларга ярдәм программасы буенча Бөек Ватан сугышында катнашучыларга истәлекле обелиск урнаштырыла. "Кайгылы ана" һәйкәле аның янәшәсендә куелган, шунда ук "Хәтер бакчасы"на нигез салынган, 30 төп чыршы утыртылган. Балалар өчен спорт мәйданчыгын төзү планлаштырыла. Төзелеш идеясе авторы - авыл старостасы Альфрит Фәхретдинов. "Безнең авылдан фронтка 171 кеше киткән, 103 кеше исән-сау әйләнеп кайткан, 68 кеше һәлак булган, обелискта аларның исемнәре язылган. Бүген биредә 2 тыл хезмәтчәне, 14 сугыш чоры баласы яши", - дип сөйләде Альфрит Фәхретдинов. "Бүген, Украинада Бөек Ватан сугышы яугирләренә һәйкәлләрне җимергәндә, без сезнең белән, кадерле якташлар, әтиләребезнең һәм бабаларыбызның фашизмны Бөек Җиңүен саклап калырга тырышабыз. Һәм махсус хәрби операциядә катнашучы егетләребезгә ярдәм итәбез, без алар белән Җиңүгә ышанабыз!" - диде Риф Йосыпов. - Һәйкәл ачу - шундый кечкенә генә вакыйга кебек, ләкин район, республика һәм бөтен ил масштабларында, мондый мемориаллар бер-ике генә ачылмый, без үз бабаларыбызның тынычлык һәм күпмилләтле илебез өчен көрәшен истә тотабыз һәм моны дәвам итәчәкбез, - диде Яков Кугубаев. Чараны Рашат Фазлыйәхмәтов җитәкчелегендәге "Яшел беретлар" ансамбле чыгышлары бизәде. Фото: Фәнүз Хәбибуллин