Ամերիկյան Տեխաս նահանգում գտնվող առևտրի կենտրոններից մեկում հրաձգություն է եղել, ինչի հետևանքով 9 մարդ զոհվել է, 7-ը՝ վիրավորվել։ Այս մասին հայտնում է BBC-ին։
Մասնավորապես՝ զինված անձն անկանոն կրակ է բացել անցորդների ուղղությամբ։ Առևտրի կենտրոնից հարյուրավոր մարդիկ են տարհանվել։
Ոստիկանությունից հայտնել են, որ հանցագործը, ամենայն հավանականությամբ, միայնակ է գործել։ Իրավապահները նրա ուղղությամբ կրակ են բացել և սպանել նրան։
Հաղորդվում է, որ զոհերից մի քանիսը երեխաներ են: Առնվազն 7 մարդ գտնվում է հիվանդանոցում, նրանցից 3-ի վիճակը ծայրահեղ ծանր է: