Хәйбулла һәм Мәләүез районында Хеҙмәткә һәм оборонаға әҙерлек (ГТО) буйынса яңы майҙансыҡтар яһай башланылар. Был эш Рәсәй Президенты Владимир Путиндың Май указдары тарафынан раҫланған “Демография” милли проекты (национальный проект «Демография») сиктәрендәге “Спорт – тормош нормаһы” федераль проектына ярашлы тормошҡа ашырыла. Башҡортостандың спорт министры Руслан Хәбибов әйтеүенсә, был проект республикала 2019 йылдың 8 февраленән алып тормошҡа ашырыла. Тап ошо осорҙа 2019-2023 йылдарға спорт-технологик ҡорамалдар һатып алыуға федераль бюджеттан аҡса биреү тураһындағы килешеү төҙөлгәйне. “Быйыл бәләкәй спорт майҙансыҡтары булдырыуға 22,9 миллион һум бүлеү ҡаралған. Республиканың муниципаль райондарында ете ГТО комплексы урынлаштырасаҡбыҙ. Физик культура һәм спорт менән даими шөғөлләнгәндәр һаны артыр тип уйлайым”, – ти Руслан Хәбибов. Фото: “Башинформ” сайтынан.