Тауарығыҙҙы сит илгә һатырға теләйһегеҙме?

Башҡортостан Хөкүмәте хәбәр итеүенсә, “Халыҡ-ара кооперация һәм экспорт” милли проектын тормошҡа ашырыу сиктәрендә 12 майҙа “Берләшкән Ғәрәп Әмирлектәрендә һәм MENA илдәрендә (Яҡын Көнсығыш һәм Төньяҡ Африка илдәрендә) Рәсәй продукцияһын онлайн һәм офлайн һатыу” темаһына вебинар ойошторола. Вебинарҙы ойоштороусы булып “Рәсәй экспорт үҙәге” акционерҙар йәмғиәте сығыш яһай. – Уҙған йыл йомғаҡтары буйынса химия сәнәғәте продукцияһын, ҡиммәтле металдарҙы поставкалауҙы арттырыу иҫәбенә Берләшкән Ғәрәп Әмирлектәренә экспорттың 2021 йыл күрһәткестәре менән сағыштырғанда 3,4 тапҡырға артыуын теркәнек. Әмирлектәр – киләсәкле һәм тиҙ үҫешкән баҙар, беҙҙең экспортерҙарға булған мөмкинлектәрҙе биләү һәм урындағы һатып алыусының ышанысын яулау бик мөһим. Бынан тыш, Берләшкән Ғәрәп Әмирлектәре тәьмин итеү географияһын артабан киңәйтеү өсөн майҙансыҡ була ала. Предприятиеларыбыҙға булышлыҡ итеү өсөн, Төркиәлә, Ҡаҙағстанда, Үзбәкстанда, Беларуста һәм Ҡытайҙа әүҙем эш алып барған вәкиллектәр кеүек үк, Башҡортостан Республикаһының Берләшкән Ғәрәп Әмирлектәрендә вәкиллеген асырға ниәтләйбеҙ, – тип билдәләне Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева. Вебинар сиктәрендә түбәндәге мәсьәләләрҙе тикшереү планлаштырыла: продукцияны супермаркеттарға һәм Берләшкән Ғәрәп Әмирлектәре маркетплейстарына сығарыу буйынса аҙымдар, шул иҫәптән логистика, илдә теркәлеү, келәттә һаҡлау, фулфилмент, түләүҙәр структураһы; баҙар һыйҙырышлылығы; MENA төбәгендә (Берләшкән Ғәрәп Әмирлектәрендә генә түгел) ниндәй маркетплейстар эшләй; процент менән бүлеү менән хаҡ билдәләү структураһын иҫәпләү; Noon һәм Amazon миҫалында майҙансыҡтар комиссияһы. Спикер сифатында вебинарға “РусГлобалЭкспорт” яуаплылығы сикләнгән йәмғиәтенең генераль директоры Дмитрий Владимирович Поляков, шулай уҡ Республика экспорт үҙәге төркөмө эксперттары саҡырылған. Сара 12 майҙа Мәскәү ваҡыты буйынса 10:00 сәғәттә үтә. Теркәү Рәсәй экспорт үҙәге сайтында шәхси кабинет аша башҡарыла һәм 10 майға тиклем үткәреләсәк. Бәйләнеш өсөн һылтанма саранан бер тәүлек алда теркәлгән бөтә ҡатнашыусыларға ебәрелә. Сара буйынса яҙма һәм материалдар вебинарҙа теркәлгән ҡулланыусыларға ғына ебәрелә. Элемтә өсөн электрон почта: “РЭҮ” (РЭЦ) акционерҙар йәмғиәте хеҙмәткәре Анастасия Голубева — golubeva@exportcenter.ru. Белешмә: 2022 йыл йомғаҡтары буйынса Берләшкән Ғәрәп Әмирлектәре менән тышҡы сауҙа әйләнеше 2021 йыл менән сағыштырғанда өс тапҡырға арта, шул иҫәптән экспорт – 3,4 тапҡырға, импорт – ике тапҡырға. Mena илдәре (ингл. Middle East аnd North Africa, шулай уҡ рус теленән БВСА осратырға мөмкин. Яҡын Көнсығыш һәм Төньяҡ Африка) – Мәғриб һәм Яҡын Көнсығыш илдәрен берләштергән географик төбәк, дөйөм халҡы 355 млн кеше тәшкил итә. MENA илдәренең күбеһе Шулай уҡ ҙур Яҡын Көнсығыш төбәгенең бер өлөшө булып тора. MENA-ға ингән илдәрҙең аныҡ исемлеге юҡ. Рәсәй Федерацияһы Президенты Владимир Путиндың 2020 йылдың 21 июлендәге 474-се Указы менән билдәләнгән “Лайыҡлы һәм һөҙөмтәле хеҙмәт һәм уңышлы эшҡыуарлыҡ” милли маҡсаты сиктәрендә “Халыҡ-ара кооперация һәм экспорт” милли проекты (национальный проект "Международная кооперация и экспорт") тормошҡа ашырыла, уның маҡсаты – 2030 йылға сеймал булмаған энергетик булмаған тауарҙар экспортының 2020 йыл менән сағыштырғанда 70 проценттан кәм булмаған аныҡ үҫешен тәьмин итеү. “Сәнәғәт экспорты”, “Агросәнәғәт комплексы продукцияһын экспортлау” һәм “Халыҡ-ара кооперацияны һәм экспортты үҫтереүҙең системалы саралары” федераль проекттары сараларын тормошҡа ашырыу иҫәбенә маҡсатлы күрһәткескә өлгәшеү планлаштырыла. “Рәсәй экспорт үҙәге” (РЭЦ) акционерҙар йәмғииәте сеймал булмаған экспортҡа ярҙам итеү дәүләт институты (ВЭБ.РФ төркөмөнә инә), Рәсәй экспортерҙарына финанс һәм финанс булмаған ярҙам сараларының киң спектрын күрһәткән компаниялар төркөмөн берләштерә. Фото һәм мәғлүмәт сығанағы: pravitelstvorb.ru