Շիրակացու անվան ճեմարանի 4-րդ հարկից նետված 13-ամյա աշակերտին վիրահատել են, առողջական վիճակն այս պահին կայուն է: Տեղկեկությունը հայտնել է ճեմարանի տնօրեն Աշոտ Ալիխանյանը:
Տնօրենի խոսքով՝ օրերս իրականացված ոտքի վիրահատությունն անցել է բարեհաջող, բժիշկներն ամեն ինչ անում են, որպեսզի վերականգնողական շրջանն արագ ու արդյունավետ անցնի:
«Շնորհակալություն բոլորիդ ուշադրության, անհանգստության և ապրումակցելու, ինչպես նաև միջադեպին նրբանկատ վերաբերմունք ցուցաբերելու և հետադարձ կապի համար: Այս պահին կարևորելով և առաջնահերթ համարելով երեխայի առողջական վիճակի բարելավումը՝ մնացածը թողնում ենք ժամանակին և համապատասխան կառույցների արդար ու օբյեկտիվ աշխատանքին: Վստահ ենք՝ ամեն ինչ արվում է և կարվի՝ ելնելով երեխայի լավագույն շահից»,- հայտնել է նա:
Ալիխանյանը նաև հույս է հայտնել, որ համամապատասխան մարմինները կկարտարեն արդար և օբյեկտիվ աշխատանք:
Ավելի վաղ Shamshyan.com-ը հայտնել էր, որ Անանիա Շիրակացի ճեմարանի 13-ամյա սանը ճեմարանի 4-րդ հարկում գտնվող իրենց դասասենյակի պատուհանից ցատկել էր ներքև։ Նա տեղափոխվել էր հիվանդանոց։