Йорт-музейга 1996 елда нигез салынган, ә 2000 елда килүчеләр өчен ачылган. 2022-23 елларда музейда масштаблы реэкспозиция уздырыла, шулай ук бинаны капиталь ремонтлау һәм территорияне төзекләндерү эше алып барыла.Яңартылган йорт-музей дүрт экспозиция залыннан тора, шул ук вакытта икесенең концепциясе үзгәртелгән. Мәсәлән, йорт-музейның беренче залында кунаклар РСФСР составында республика дәүләтчелегенең барлыкка килү тарихы белән таныша алачак, икенче – мемориаль зал Башкортстанның танылган дәүләт эшлеклесе, язучы һәм журналист тормышына һәм эшчәнлегенә багышланган.Шаһит Ходайбирдинның иҗади мирасы һәм аның исемендәге Башкортстан Республикасы Хөкүмәте премиясе лауреатлары турында йорт-музейның өченче залы сөйли. Тарихи-архитектура һәйкәле мезонины бүлмәсендә XIX-XX гасырлар чигендәге «Иске» Уфага һәм йортның беренче хуҗалары Слотовлар гаиләсенә багышланган экспозиция урнаштырылган.Залның аерым бүлеге балерина һәм педагог, Русиянең атказанган, Башкортстанның халык артисты Тамара Ходайбирдинаның иҗади мирасын яктырта.Реэкспозициядән соң йорт-музей яңа экспонатлар, уникаль фотолар, документлар, әйберләр белән баетылган. Музей заманча санлы һәм мультимедияле технологияләр белән җиһазландырылган. Йорт-музейда сувенир кибете эшләячәк. Шулай ук монда журналистлар иҗат кичәләре дә үткәрә алачак, моның өчен аерым бүлмә бүленгән.Музей ихатасында Шаһит Ходайбирдинның бюсты да ачылды. Ул Баймак районында куелган булган, хәзер аны Баймак районы хакимияте музейга бүләк иткән. Бюстка реставрация эшләрен Башкортстанның Милли музее рәссамы, Башкортстанның атказанган мәдәният хезмәткәре Анатолий Фадеев үткәргән.Музейны тантаналы ачу чарасында мәдәният министры урынбасары Гөлдәр Хәмитова, Журналистлар берлеге рәисе Вәдүт Исхаков, Язучылар берлеге рәисе Айгиз Баймөхәммәтов, Башкортстанның Милли музее директоры Рөстәм Исхаков, журналистлар, язучылар, уфалылар катнашты.Фото: Зөһрә Исламова