Бөтендөнья сәламәтлек саклау оешмасы мәгълүматлары буенча, 2020 елда пандемия аркасында 22 миллионнан артык сабый кызамыкка каршы вакцинаның беренче дозасын алмый калган. Бу, 2019 елдагыга караганда, 3 миллионга күбрәк. Узган елдагы белән чагыштырганда, 2020 елда дөньяда теркәлгән кызамык очраклары саны 80 процентка кимегән. “Роспотребнадзор” бәяләвенчә, кызамык авыруының кимүе COVID-19 буенча эпидемиологик хәлнең начар булуы һәм чикләү чаралары белән бәйле. Вакциналану — авыруны кисәтүнең иң нәтиҗәле чарасы. Белгечләр фикеренчә, үлемгә китерүче бер авыруны икенчесенә алмаштырмас өчен, кызамыктан вакциналану темпларын саклап, COVID-19га каршы вакциналау белән бергә үткәрергә кирәк. Кызамык — иң йогышлы авыруларның берсе, ләкин аны прививка белән тулысынча диярлек кисәтеп була. Бөтендөнья сәламәтлек саклау оешмасы бәяләвенчә, соңгы 20 елда кызамыкка каршы вакцина 30 миллионнан артык кешене үлемнән коткарган. Кызамык - үлемгә китерүче, ләкин тулысынча кисәтелә торган авыру. Вакциналану аннан сакланырга ярдәм итәчәк. Кызамыкка каршы прививкалардан баш тарту авыру таралуга уңай шартлар тудыра.