Պրահան մտահոգված է Լեռնային Ղարաբաղում մարդասիրական վիճակով, որի պատճառը Լաչինի միջանցքի շրջափակումն է։ Այս մասին ՀՀ վարչապետի հետ համատեղ մամուլի ասուլիսի ժամանակ ասաց Չեխիայի վարչապետ Պետեր Ֆիալան՝ նշելով, որ Չեխիան կարևորում է բոլորի համար ընդունելի խաղաղության պայմանագրի կնքումը։
«Մենք հավատացած ենք, որ պետք է հնարավոր բոլոր քայլերը ձեռնարկվեն՝ որպեսզի խաղաղություն և կայունություն հաստատվի ԼՂ-ում և ամբողջ Կովկաս տարածաշրջանում»,- ասաց նա։
Ֆիալան նշեց, որ Հայաստանը հետաքրքրված է տարածաշրջանում խաղաղության և կայունության ամրապնդմամբ։
Չեխիայի վարչապետը նշեց, որ չեխ գիտնականները ներգրավված են Մեծամորի ատոմակայանի անվտամգության բարելավման աշխատանքներին, մասնակցում են ընթացիկ վերանորոգումներին։
«Կարող ենք արդյունավետ բարձրակարգ տեխնոլոգիաներ առաջարկել Հայաստանին, օրինակ՝ խելացի քաղաքների բնագավառում»,- ասաց չեխիայի նա՝ նշելով, որ հնարավոր է՝ արտադրվեն փոքր օդանավեր Ստեփանավան քաղաքում։
Պետեր Ֆիալան հայտարարեց, որ հարաբերությունները Հայաստանի հետ ավելի խորացնելու ցանկություն կա։ Այդպիսի հնարավորություններ կան տնտեսության, գիտության, հետազոտությունների և կրթության ոլորտներում։
Մանրամասները՝ տեսանյութում։