Республикалағы иң айыҡ ауыл билдәләнде

Бөгөн «Торатау» Конгресс-холында, «Атайсал» форумы сиктәрендә, Башҡортостан Башлығы Радий Хәбиров «Айыҡ ауыл-2022» республика конкурсы еңеүселәренә наградалар тапшырҙы.Алдан хәбәр итеүебеҙсә, 2 майҙа конкурстың йомғаҡлау ултырышында 12 еңеүсе раҫланды. Положениеға ярашлы, улар халҡының иҫәбенә ярашлы номинациялар буйынса билдәләнде. Һеҙҙең иғтибарға «Айыҡ ауыл-2022» республика конкурсы еңеүселәрен тәҡдим итәбеҙ.«Эре тораҡ пункттар» номинацияһында:I урын - Дүртөйлө районының Мәскәү ауылы,II урын - Тәтешле районының Иҫке Күрҙем ауылы,III урын - Йылайыр районының Юлдыбай ауылы;«Ҙур тораҡ пункттар» номинацияһында:I урын - Күгәрсен районының Бикбулат ауылы,II урын - Хәйбулла районының Әбүбәкер ауылы,III урын - Мәләүез районының Смаҡ ауылы;«Уртаса ҙурлыҡтағы тораҡ пункттар» номинацияһында:I урын - Йәрмәкәй районының Бекетов ауылы,II урын - Белорет районының Олойылға ауылы,III урын - Бөрйән районының Исламбай ауылы;«Бәләкәй тораҡ пункттар» номинацияһында:I урын - Көйөргәҙе районының Кинйә-Абыҙ ауылы,II урын - Ғафури районының Оло Үтәш ауылы,III урын - Ҡырмыҫҡалы районының Күлләр ауылы.«Айыҡ ауыл» конкурсын ойоштороусылар - Бөтә донъя башҡорттары ҡоролтайы (конгресы), Башҡортостандың Ғаилә, хеҙмәт һәм халыҡты социаль яҡлау, Һаулыҡ һаҡлау министрлыҡтары һәм башҡа ведомстволар. Конкурсты ойоштороу буйынса саралар республика Башлығы гранты иҫәбенә тормошҡа ашырыла.Приз фонды — 40 миллион һум. Алты миллион күләмендәге иң ҙуры «Эре тораҡ пункттар» номинацияһында еңеүсегә бирелә. Башҡа номинациялар өсөн сумма ауылдың ҙурлығына ҡарап бүленә. «Айыҡ ауыл» проекты Башҡортостандың граждандар йәмғиәтенә булышлыҡ итеү фондынан республика Башлығы гранты иҫәбенә тормошҡа ашырыла. Фото: Айрат Нурмөхәмәтов.