Бизнес-шерифларның эшенә бәя биреләчәк

- Бүгенге көндә бизнес-шериф муниципалитетларда бизнеска ярдәм итү мәсьәләләре буенча тулы мәгълүматка ия булган төп фигура булып тора. Шерифның төп бурычы - уңай эшлекле мохит формалаштыру аша урындагы эшкуарлыкны үстерүне тәэмин итү. Институт 2019 елда Башкортстан Башлыгы Радий Хәбиров башлангычы белән оештырылды һәм Стратегик башлангычлар агентлыгының иң яхшы төбәк практикалары пулына керде, - дип билгеләп үтте Башкортстан Хөкүмәте Премьер-министрының беренче урынбасары, икътисади үсеш һәм инвестицион сәясәт министры Рөстәм Моратов.Эшкуарлык һәм туризм министры Рөстәм Афзалов чарада катнашучыларны бай программа көтәчәк дип сөйләде.- Форумның эшлекле программасы кече бизнестагы вәзгыятьне анализлауга, кече һәм урта эшкуарлык субъектларына дәүләт ярдәме күрсәтү һәм аларның нәтиҗәлелеге мәсьәләләренә, дәүләт һәм бизнес үзара хезмәттәшлеге өлкәсендә тәҗрибә һәм алдынгы практикалар алмашуга багышланган, - дип уртаклашты Рөстәм Афзалов.Форум кысаларында «Үзгәрешләр икътисадында кече һәм урта бизнес: системалы мәсьәләләр һәм ярдәм чаралары» дигән пленар дискуссия узачак, анда республиканың бизнес-шерифлары, шулай ук Русия төбәкләре һәм чит илләр вәкилләре катнашачак. Модератор булып «РБК-Уфа» җәмгыяте директоры Равил Ватолин чыгыш ясаячак.Башкортстан төбәкләрнең инвестиция активлыгы торышы милли рейтингында лидерлар бишлегенә керә. Русия Федерациясе Хөкүмәте Рәисенең беренче урынбасары Андрей Белоусов бу казанышны бизнес-шерифлар эше белән дә бәйли. Институтны булдыру буенча Башкортстан тәҗрибәсе Русиядә тиражлау өчен тәкъдим ителгән.Фото: Башкортстан Хөкүмәте