“Без кече Ватаныбыз өчен изге гамәлләр кылырга тиеш!”

Ул Илеш районының якташлар оешмасы рәисе буларак районнан чыккан кешеләрне төрле юнәлешләр һәм тармаклар буенча берләштерү буенча актив эш алып барылуын билгеләп үтте.– Мин районнарның якташлар оешмаларын булдырырга һәм район хакимияте башлыгы яисә район Советы секретаре дәрәҗәсендә мондый оешма эшчәнлегенә җаваплы кешеләрне билгеләргә, шулай ук, республика районнарының барлык якташлар берлекләрен берләштерәчәк якташлар оешмаларының координация советын булдыруны тәкъдим итәм. Минем фикеремчә, Координация советы әгъзалары тәҗрибә-киңәшләре белән әлегә мондый оешмалар булмаган районнарда аларны булдырырга ярдәм итәр иде, тәгаен муниципаль районда күптөрле чаралар үткәрүдә ярдәм күрсәтерләр иде. Координация советы эше гомум характерда булса да, монда ачыктан-ачык ярыш элементы да бар. Оешмалар бер-берсеннән өйрәнә, кызыклы һәм файдалы тәҗрибә туплый, күршеләргә караганда да яхшырак эшләргә тырышачак.Координация советының тулыканлыэшләве өчен, әлбәттә, бина кирәк булачак. Уфада якташлар оешмаларын булдыру һәм аларның эшенә дөрес юнәлеш бирү, минемчә, районнарның башкала белән икътисади, мәдәни бәйләнешләренә, социаль агломерация процессларына этәргеч бирәчәк. Киләчәктә якташлык оешмаларында бизнес, мәдәният һ. б. буенча төрле эшлекле клублар туарга мөмкин.Миңа Уфадагы күп кенә якташлар оешмалары вәкилләре белән аралашырга туры килә, аларның барысы да диярлек туган районына уңай карашта. Бу төп факт булып тора, чөнки нәкъ менә якташлар оешмалары вәкилләре потенциаль рәвештә районнарны алга этәрү ресурсы була ала, шулай ук аның социаль һәм икътисади проблемаларын хәл итүдә ярдәм итәчәк. Моның өчен аларның районнарны алга этәрүдә катнашу программасын эшләргә кирәк. Шунысы мөһим, бу программа – комплекслы документ. Бу эш якташлар оешмалары һәм район хакимиятләренең берлектәге хезмәттәшлеге белән башкарылырга тиеш, – диде Фаил Фәтхетдинов.Чыгышын тәмамлап, ул якташлар оешмалары институтлары белән “Атайсал” проектының аерылгысыз төшенчәләр булуын билгеләде. Алар икесе дә кече Ватан белән бәйле. “Атайсал” сүзе "ата-бабалар иле, Ватан” дигәнне аңлата. Димәк, без кече Ватаныбыз өчен изге гамәлләр кылырга тиеш.Мәгълүм булуынча, республикада Башкортстан Башлыгы Радий Хәбиров башлангычы белән оештырылган “Атайсал” проекты 2021 елның 1 мартыннан гамәлдә. Ул уңышлы якташларны үзләренең кече Ватанына ярдәм итүдә берләштерү өчен булдырылды. “Атайсал” проекты һәм республикада игълан ителгән “Кече Ватан өчен файдалы эшләр елы” республикада туып-үскән кешеләр мәнфәгатьләрен берләштерүгә һәм кече Ватан белән һәрьяклы элемтәләр урнаштыруга, шулай ук, авыл җирлегендә яшәүчеләрнең проблемаларын хәл итүгә юнәлтелгән.