Найти в Дзене
Башҡортостан гәзите
421 подписчик

Кемгәлер – оранжерея, кемгәлер воркаут майҙансығы кәрәк

1 мин
Инициативалы бюджетлау – уҡыусыларҙың мөһим проекттарын тормошҡа ашырыу өсөн Хөкүмәт ярҙамын алыуҙа яҡшы мөмкинлек. Конкурсҡа тәҡдим ителгән мәғариф учреждениелары араһында Бәләбәй башҡорт гимназия - интернаты ла бар. Апрель айында башҡорт гимназия-интернатында 7 – 11-се класс уҡыусыларынан торған биш команда үҙҙәренең проекттарын яҡлау буйынса көс һынашты. Еңеүсене һайлап алыуҙа барыһы ла әүҙем тауыш бирҙе. Проекттар бик ҡыҙыҡлы булды. Балалар “Ҡурсаҡтар иле” студияһын, “Йәшел утрау” мәктәп оранжереяһын төҙөүгә, “Кулинария” студияһын булдырыуға, лингафон кабинетын йыһазландырыуға, “Сәләмәт быуын” заманса спорт майҙансығын ойоштороуға тауыш бирҙе. Күпселек тауыш менән педагог Данил Фәнүр улы Халиҡов етәкселегендәге “Сәләмәт быуын” заманса спорт майҙансығы еңеп сыҡты. Был проект сиктәрендә заманса воркаут майҙансығы ойоштороу планлаштырыла. “Балаларҙың сәләмәтлеген hаҡлау, нығытыу – хәҙерге көндә ата-әсәләрҙе, педагогтарҙы иң борсоған мәсьәләләрҙең берehе. Был спорт майҙансығында уҡыусы

Инициативалы бюджетлау – уҡыусыларҙың мөһим проекттарын тормошҡа ашырыу өсөн Хөкүмәт ярҙамын алыуҙа яҡшы мөмкинлек. Конкурсҡа тәҡдим ителгән мәғариф учреждениелары араһында Бәләбәй башҡорт гимназия - интернаты ла бар. Апрель айында башҡорт гимназия-интернатында 7 – 11-се класс уҡыусыларынан торған биш команда үҙҙәренең проекттарын яҡлау буйынса көс һынашты. Еңеүсене һайлап алыуҙа барыһы ла әүҙем тауыш бирҙе. Проекттар бик ҡыҙыҡлы булды. Балалар “Ҡурсаҡтар иле” студияһын, “Йәшел утрау” мәктәп оранжереяһын төҙөүгә, “Кулинария” студияһын булдырыуға, лингафон кабинетын йыһазландырыуға, “Сәләмәт быуын” заманса спорт майҙансығын ойоштороуға тауыш бирҙе. Күпселек тауыш менән педагог Данил Фәнүр улы Халиҡов етәкселегендәге “Сәләмәт быуын” заманса спорт майҙансығы еңеп сыҡты. Был проект сиктәрендә заманса воркаут майҙансығы ойоштороу планлаштырыла. “Балаларҙың сәләмәтлеген hаҡлау, нығытыу – хәҙерге көндә ата-әсәләрҙе, педагогтарҙы иң борсоған мәсьәләләрҙең берehе. Был спорт майҙансығында уҡыусылар спорт менән әүҙем шөғөлләнәсәк. Сәләмәт бала – ул күңеле лә, психикаhы ла, физик үҫеше лә камил булған зат. Бының өсөн беҙ тейешле хәрәкәткә, дөрөҫ туҡланыуға, ата-әсәләр менән эшләүгә, ғаиләлә сәләмәт тормош рәүешен пропагандалауға, уны контролдә тотоуға ҙур иғтибар бирәсәкбеҙ”, – ти физик культура уҡытыусыhы Д.Ф. Халиҡов. Шулай итеп, уҡыусылар өсөн спорт менән шөғөлләнеү үҙенсәлектәрен практикала өйрәнеү мөмкинлеге тыуа. Был уларға киләсәктәге эшмәкәрлектәрендә етди конкурентлыҡ өҫтөнлөгө булдыра, сөнки яңы мәғлүмәт технологияларын белеү – хәҙерге заманда кешенең конкурентлылыҡ һәләте шарттарының береһе. Тимәк, бөгөндән балаларҙы спорт аша сәләмәт рәүеш алып барырға әйҙәргә мөмкин. – Беҙ тәҡдим иткән контент бик кәрәкле, сөнки әлеге ваҡытта беҙҙең гимназияла воркаут-майҙансыҡ юҡ. Уны асып, беҙ спортҡа hөйөү уятып ҡына ҡалмайса, ҙур еңеүҙәр ҙә яулай алыр инек, - ти Бәләбәй Башҡорт гимназия – интернаты директоры Дилбәр Ғайса ҡыҙы Фәтхетдинова. Зүлиә Исламова. Фотолар уҡыу ойошмаһынан.