«Ո՛Չ Արցախի Հանրապետության էթնիկ զտմանը» նախաձեռնող խումբը խաղաղ ակցիա է կազմակերպել Արցախը Հայաստանին կապող ճանապարհին, որտեղ նաև վրաններ են տեղադրվել։
«Որպես Արցախի երիտասարդների նախաձեռնող խմբի ներկայացուցիչ՝ կոչ մ անում բոլոր մեր հայրենակիցներին մեր քաղաքական, ապաքաղաքական բոլոր սթափ ուժերին միանալ մեր ակցիային՝ ո՛չ Արցախի ժողովրդի էթնիկ զտման խորագրով։ Մենք գտնվում ենք Արցախը Մայր Հայաստանին կապող՝ Ստեփանակերտից Շուշի տանող ճանապարհահատվածում։ Մեր բողոքն ու պահանջն է, որպեսզի Ադրբեջանը Բերձորի տարածքում ապօրինի տեղադրված անցակետը այտեղից հեռացնի։ Ակցիան այստեղից շարունակվելու է անժամկետ, մինչև մեր պահանջը չլուծվի»,- ասել է ակցիայի մասնակից Դավիթ Բագիրյանը։
Հիշեցնենք, որ դեկտեմբերի 12-ին մի խումբ ադրբեջանցիներ` «բնապահպանական» պատճառաբանություններով ժամը 10:30-ից փակել են Ստեփանակերտ-Գորիս մայրուղու Շուշի-Քարին տակ հատվածը՝ ոտնահարելով քաղաքացիական բնակչության կենսական շահերն ու իրավունքները: Այսօրվա դրությամբ ճանապարհը շարունակում է փակ մնալ: Արցախի ԱԽ նիստում որոշում է կայացվել դիմել ՌԴ Արցախի Հանրապետությունում տեղակայված ՌԴ խաղաղապահ զորակազմի հրամանատարությանը՝ անընդունելի համարելով միջանցքի փակումը:
Ապրիլի 23-ից Ադրբեջանը Լաչինի միջանցքում անցակետ է տեղադրել՝ փակելով Արցախը Հայաստանին կապող Հակարիի կամուրջը։ Հայաստանը Բաքվի դեմ հայցով դիմել է ՄԱԿ-ի միջազգային դատարան, քննադատել անցակետի տեղադրումը։