Ռուսաստանաբնակ հայազգի թենիսիստ Կարեն Խաչանովը Մադրիդի «Մասթերս» մրցաշարի քառորդ եզրափակիչ է դուրս եկել։ Այս մասին հաղորդում է Championat.com-ը։
Խաչանովը չորրորդ շրջանում առավելության է հասել Անդրեյ Ռուբլյովի նկատմամբ։ Թենիսիստները կորտում անցկացրել են 1 ժամ 42 րոպե։
Կիսաեզրափակիչի ուղեգրի համար Խաչանովը կմրցի Կարլոս Ալկարաս (Իսպանիա)-Ալեքսանդր Զվերև (Գերմանիա) հանդիպման հաղթողի հետ: Մադրիդի մրցաշարը կավարտվի մայիսի 7-ին: Մրցումների մրցանակային ֆոնդը կազմում է 7,7 մլն եվրո: