Рәсәй Ғәҙәттән тыш хәлдәр министрлығының Башҡорртостан буйынса Баш идаралығынан хәбәр итеүҙәренсә, Краснокама районының Ивановка ауылынан ике километр алыҫлыҡта ҡоро үлән яна. Ваҡиға урынына ҡотҡарыусылар сыҡҡан. Шулай уҡ трактор, бульдозер кеүек техника йәлеп ителгән. Әлеге ваҡытта ҡоро үлән яныуын дауам итә, көслө төтөн таралған. 10 гектар майҙанды ут ялмап алған. Янғын һүндереүгә янғын стволдар бирелгән, ер һөрәләр, әммә көслө ел утты һүндереүҙе ауырлаштыра. Рәсәй Ғәҙәттән тыш хәлдәр министрлығынан 19 кеше һәм ете техника йәлеп ителгән, район хакимиәте һыу һибеү машиналарын килтергән. Шулай уҡ янғын-ҡотҡарыу вертолетын йәлеп итергә йыйыналар. Ваҡиға барышы менән артабан да таныштырырбыҙ. Фото: mchsrb