Հումորիստ Եվգենի Պետրոսյանին Մոսկվայում հոսպիտալացրել են։ Այս մասին հայտնում է «StarHit»-ը՝ հղում անելով Telegram-յան ալիքներին: Հումորիստի ինքնազգացողությունը վատացել է հենց Խամովնիկիում՝ տանը։ Պետրոսյանի կինը՝ Տատյանա Բրուխունովան, շտապօգնություն է կանչել, երբ նա սկսել է գլխապտույտ զգալ։
Այնուհետև Պետրոսյանին տեղափոխել են հիվանդանոց։
Ավելի ուշ Պետրոսյանը հայտարարել է, որ պարզապես պլանային հետազոտություն է անցել։
«Խուճապի մի մատնվեք։ Ես պլանային ստուգում ունեմ»,-պարզաբանել է Պետրոսյանը։ Հումորիստը հավելել է, որ մայիսի 2-ին նախատեսում է լքել հիվանդանոցը և վերադառնալ տուն:
2022 թվականի դեկտեմբերի սկզբին Պետրոսյանը «այլասերված» էր անվանել իր մահվան մասին լուրեր տարածողներին։
«Ինչ-որ անմարդկային մարդիկ YouTube-ում տեսանյութ են հրապարակել այն մասին, որ ես լքել եմ այս աշխարհը և հայտնվել բոլորովին այլ վայրում։ Ցույց տվեցին նույնիսկ ինչ-որ լացող մարդու», - պատմել է հումորիստը։