Баймаҡ, Сибай ҡалаларының, Баймаҡ, Йылайыр, Хәйбулла, Әбйәлил, Бөрйән, Учалы, Ейәнсура һәм башҡа райондарҙың уңған хужабикәләре! Һеҙҙе конкурста ҡатнашырға һәм халҡығыҙҙың традицион ризыҡтарын тәҡдим итергә саҡырабыҙ. Конкурста ҡатнашыу һеҙгә милли аш-һыу әҙерләүҙә үҙегеҙҙе, оҫталығығыҙҙы күрһәтеү генә түгел, тамашасыларға, сарала ҡатнашыусыларға һәм жюри ағзаларына үҙ халҡығыҙҙың традицион ҡиммәттәрен еткереү, шулай уҡ ҡиммәтле бүләктәр, бүләктәр, иҫтәлекле дипломдар һәм онотолмаҫлыҡ тәьҫораттар алыу мөмкинлеге бирәсәк. Кулинария конкурсында ҡатнашыусылар үҙ продукцияһын шулай уҡ тамашасыларға һәм сараға килеүселәргә һата аласаҡ. Конкурста ҡатнашҡан өсөн түбәндәге аҡсалата бүләктәр ҡаралған: 1-се урын - 30 000 һум; 2-се урын - 20 000 һум; 3-сө урын - 10 000 һум. Бынан тыш, конкурста еңеүселәр ҙә билдәләнәсәк һәм төрлө номинацияларҙа аҡсалата приздар тапшырыласаҡ. Конкурсҡа милли аш-һыуҙың бер йәки бер нисә ризығын тәҡдим итергә мөмкин. Бөтә аш-һыуҙар ҙа тәмләп ҡарау өсөн әҙер булырға тейеш. Конкурста ҡатнашыусылар аҙыҡ-түлекте, һауыт-һабаны, инвентарҙы һәм башҡа атрибуттарҙы үҙаллы тәьмин итә. Конкурста ҡатнашыу өсөн 7 969 610 43 11 телефоны (ватсап) буйынса Ильясова Әлфиә Мирза ҡыҙына мөрәжәғәт итергә кәрәк. Әйткәндәй, һуңғы ике йылда инвестһабантуйҙа "Ҡаҙ һәм бал" һәм “Ҡымыҙ FEST” гастрономия фестивалдәре ойошторолдо. Автор фотолары.